Circulares litterae dioecesanae anno 1892. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae
V.
28 sit destituta; cumque dictus Franciscus Josephus Imperator et Rex ad praefatam vacantem Metropolitanam Ecclesiam Strigonien Te ex legitimis, catholicis, honestisque parentibus in loco nuncupato Keszthely in Hungáriáé Comitatu Zala dicto Vespri- mien dioecesis progenitum, et in sexagesimo aetatis tuae anno constitutum per suas patentes litteras nominaverit, Nos spem habentes te, qui Sancti Benedicti ordinem a prima iuventa ingressus ibique solemnia nuncupatus vota et sacro dudum auctus Presbyteratu ad ecclesiasticas obeundas functiones sedulum animum applicuisti, quique Professor et Director gymnasiorum adlectus, Ordinis Sancti Benedicti nullius et exempti Archi-Abbas Sacri Montis Pannoniae, Praesul Districtus ecclesiastici Archi- Abbatialis eiusdem Sacri montis, ac Abbas et perpetuus Praeses omnium tui Ordinis Conventuum per totum Hungáriáé regnum renunciatus fuisti, quique nuper ad effectum infrascriptae praefectionis fidei catholicae professionem juxta articulos jampridem a Sede Apca propositos expresse emisisti, ac de cuius doctrina, gravitate, prudentia, morum honestate, rerumque usu praestantia apud Nos fide digna testimonia perhibentur, dictae Metropolitanae Ecclesiae Strigonien, illiusque gregi Dominico esse posse valde utilem, eidem vacanti Metropolitanae Ecclesiae Strigonien de persona tua Nobis et Venerabilibus Fratribus Nostris S. R. E. Cardinalibus ob tuorum exigentiam meritorum accepta Fratrum eorumdem consilio Apostolica auctoritate providemus, Teque illi in Archiepiscopum et pastorem praeficimus, curam, regimen et administrationem istius Ecclesiae Tibi in spiritualibus et temporalibus plenarie committendo; in Illo qui dat gratias et largitur praemia confidentes quod dirigente Domino actus tuos, praedicta Metropolitana Ecclesia Strigonien sub tua felici praesidentia regetur utiliter ac prospere dirigetur, ac grata in iisdem spiritualibus et temporalibus suscipiet incrementa. Jugum igitur Domini tuis impositum humeris prompta devotione suscipiens, curam et administrationem praefatas sic exercere studeas sollicite, fideliter ac prudenter, quod ipsa Metropolitana Ecclesia Strigonien gubernatori provido ac vigili administratori gaudeat se commissam, tuque praeter aeternae retributionis praemium, Nostram et Sedis Apostolicae benedictionem et gratiam exinde uberius consequi merearis. Nos autem licet tu gradu Doctoratus in Sacra Theologia, vel in Decretis insignitus non sis, nihilominus quia oh doctrinam qua polles ad dictam Metropolitanam Ecclesiam Strigonien regendam et gubernandam habilis et idoneus dignosceris, tecum, ut tu ipsi Metropolitanae Ecclesiae Strigonien in Archi-Epi- scopum praefici, atque illi praeesse eamque ut supra regere et gubernare libere et licite valeas, defectu Doctoratus gradus huiusmodi ac Constitutionibus et Ordinationibus Apostolicis ceterisque contrariis non obstantibus, Apostolica auctoritate praefata tenore praesentium de specialis dono gratiae dispensamus. Datum Romae apud Sanctum ' Petrum anno Incarnationis Dominicae millesimo octingentesimo nonagesimo primo, sexto decimo Kalendas Januarii, Pontificatus Nostri anno decimoquarto. L. f Plumbi. B) Litterae Apostolicae super eadem provisione ad Clerum Civitatis et Dioecesis Strigo- niensis. Leo Episcoqus Servus Servorum Dei. Dilectis Filiis Clero Civitatis et Dioecesis Strigonien salutem et Apcam benedictionem. Hodie Nos Metropolitanae Ecclesiae Strigonien certo tunc expresso modo pastoris solatio destitutae de persona dilecti filii Claudii Francisci Vaszary Electi Arcliiepiscopi Strigonien Nobis et Venerabilibus Fratribus Nostris S. R. E. Cardinalibus ob suorum exigentiam meritorum accepta,
