Circulares litterae dioecesanae anno 1892. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae

XIX.

117

Ingravescente temporum iniquitate crescenteque audacia inimicorum Ecclesiae, Beatissimus Pater non cessat hortari Clerum atque populum, ut quemadmodum Ipse facere consuevit, opem et auxilium Beatae Mariae Virginis assidue implorare satagant. Hac de causa dimissis sub 8. currentis mensis encyclicis litteris, demandat atque desiderat, ut octobrem proximum, Dominae nostrae ac Reginae augustae a Rosario sacrum, vividiore pietatis solertia, quam necessitates ingravescentes exposcunt, studeamus celebrare.

Votis et mandatis Beatissimi Patris filiali cum pietate et promptitudine obtemperando, praesentibus dispositiones a p. m. praedecessore meo hoc in negotio editas et in Circularibus Dioecesanis publicatas, praesentibus renovo Vobisque pro stricta observantia inculco, publicatis, simul superius memoratis encyclicis litteris, quarum tenorem cum fideli pupulo communicare velitis.

SANCTISSIMI DOMINI NOSTRI

LEONIS

DIVINA PROVIDENTIA

PAPAE X I I I.

EPISTOLA ENCYCLICA

AD PATRIARCHAS PRIMATES ARCHIEPISCOPOS EPISCOPOS ALIOSQUE LOCORVM ORDINARIOS PACEM ET COMMVNIONEM CVM APOSTOLICA SEDE HABENTES

DE ROSARIO MARI ALI

VENERABILIBVS FRATRIBVS PATRIARCHIS PRIMATIBVS ARCHIEPISCOPIS ET EPISCOPIS ALIISQUE LOCORVM ORDINARIIS PACEM ET COMMVNIONEM CVM APOSTOLICA SEDE HABENTIBVS

LEO PP. XIII.

VENERABILES FRATRES

SALVTEM ET APOSTOLICAM BENEDICTIONEM.

Magnae Dei Matris amorem et cultum quoties ex occasione liceat excitare in christiano populo et augere, toties Nos mirifica voluptate et laetitia perfundimur, tamquam de ea re quae non solum per se ipsa praestantissima est multisque modis

Nr. 5011.

Beatissimus Pater de So- lemnitate Rosarii mense Octobri celebranda.