Circulares litterae dioecesanae anno 1892. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae
XIV.
82 legitime utuntur, fruuntur et gaudent. Immo in n. YIII. additur: Anni professionis, qui in dicto Ordine requiruntur, ut quis voce activa et passiva gaudeat, et ad officia admitti possit, a die emissionis votorum simplicium computentur. Hinc quaeritur: Utrum professi votorum simplicium, qui ex allato Decreto, quoad iura tam gratiarum et privilegiorum, quam vocis activae et passivae professis votorum solem- nium aequiparantur, ut professi votorum solemnium in Praelatos seu in Superiores in eodem Ordine licite et valide eligi possint et valeant? Sacra Congregatio Eminentissimorum ac Reverendissimorum S. R. E. Cardinalium super Statu Regularium, omnibus mature perpensis, super praemissis cen- suit rescribendum: Negative. Datum Romae, ex Secretaria praefatae Congregationis, die decima sexta Ianuarii 1891. Fr. Aloysius Episcopus Callinicen Secret. Strigonii, die 13-a Julii 1892. Nr. 3763. S. Congr. Indulgentiarum solvit dubium quoad impositionem scapularium. Hector Decanus Ecclesiae B. M. V. Dioecesis Pictaviensis huic S. Congregationi haec, quae sequuntur humiliter exponit: Aliquando impositio Scapularium ab Ecclesia approbatorum ita pro frequentia populi protrahitur, ut fiat cum assistentium taedio et sacerdotis defatigatione, praesertim post primam puerorum Communionem vel exercitia Missionum, quia tunc permulti accedunt ad hos sacros habitus suscipiendos; quae praecaverentur incommoda, si sacerdoti liceret una tantum vice dicere formulam numero plurali, imponendo successive, sed nulla interposita mora, Scapulare fidelibus praesentibus; quod quidem licitum videtur, cum adsit unio moralis inter formulae prolationem et impositionem Scapularium, et sic efficeretur unicus et completus actus. Unde supradictus rector sequens dubium dirimendum proponit: Utrum liceat sacerdoti in impositione Scapularium ab Ecclesia approbatorum, omnibus rite peractis, dicere semel, numero plurali, formulam: ,,Accipite, Fratres (vel Sorores), etc.,“ imponendo successive et sine interruptione Scapulare omnibus praesentibus; vel potius formula numero singulari pro singulis sit repetenda? S. Congregatio Indulgentiis Reliquiisque praeposita proposito dubio respondit: Affirmative quod primam partem; negative quoad secundam, uti decretum est in una Valentinensi die 5. Februarii 1841. ad dubium 4. Datum ex Secretaria eiusdem S. Congregationis, die 18. Aprilis 1891. I. CARD. D’ANNIBALE, Praef. A. Archiep. Nicopolit., Secret. Strigonii, die 13-a Julii 1892.
