Circulares litterae dioecesanae anno 1890. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XXII.
134 Nr. 6091. Ex S. Congregatione Concilii de parochi cuiusdam remotione a paroecia. bens et confirmans, memorata tria Festa sub enuntiato ritu statisque diebus ad universam Ecclesiam extendit, simulque praefatam additionem ad calcem supradictae lectionis in Officio Sacri Cordis Iesu approbare dignata est. Contrariis non obstantibus quibuscumque. Die XIX Augusti MDCCCXC. L. f S. CAIETANUS Card. ALOISI-MASELLA, 8. R. C. Praefectus. VINCENTIUS NUSSI, S. R. C. Secretarius. Strigonii, die 26-a Octobris 1890. MEDIOLANEN. REMOTIONIS A PAROECIA Die 23 Martii 1889. et 29 Martii 1890. Sess. 21 cap. 6 De reform. COMPENDIUM FACTI. Archiepiscopali decreto diei 6 Septembris 1882 indicebatur sacerdoti Iosepho Longhi parocho loci Cambiago, ut a paroecia recederet. Idque iussum fuit, ut finis imponeretur malis, quae ex ipsius agendi ratione contigisse videbantur, et ad maiora evitanda, quae ob odium plebis renovarentur, nisi praedictus parochus quamprimum a paroecia removeretur. Paruit quidem Longhi, et a Cambiago discessit; sed paullo post appellationem contra decretum apud S. C. C. interposuit. Rogatus Ordinarius pro informatione et voto, post aliquod tempus, calendis scilicet Februarii 1884, longum et accuratum epistolium transmisit, quo enumeratis perturbationibus et malis, quorum causa parochus fuerat, significare haud dubitavit, parochi remotionem necessariam eamque reclamatam fuisse ab animarum salute, quae suprema lex est, et imminenti gravissimorum malorum periculo, quae sine dubio accidissent ob universalem et intensam aversionem, qua proprium parochum parochiani prosequebantur. Quibus expositis Archiepiscopus, animi sui sensus pandens, concludebat, tot ac adeo gravibus malis medelam unice afferri posse per parochiae renunciationem, pensione vitalitiá parocho renuncianti assignata. His stantibus die 16 Februarii 1884 eidem Archiepiscopo rescriptum est „ut procedat ad formam iuris pro parochi destitutione ob odium plebis.“ Ad tramitem praedicti rescripti, die 1 subsequentis Martii constitutum fuit Mediolani tribunal, et die 13 Maii testes excuti coepti sunt. Sed quum lento gradu videretur curia procedere et moras nectere, ad S. C. C. reclamavit parochus. De novis parochi querimoniis Archiepiscopus admonitus, moras abrumpens tabulas processuales perfici iussit; iisque ad exitum perductis, die 2 Octobris 1886 sententia lata fuit, cuius conclusio ita se habebat: „1. constare de actuali odii plebis Cambiagi existentia contra rev. parochum Longhi praedictum, non sine eiusdem culpa quoad odii causam : 2. constare, eum ob
