Circulares litterae dioecesanae anno 1889. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

IV.

29

In Africae peninsulae, ut plerique geograpbi statuunt, tertiae orbis partis magna parte primis iam aerae Christianae saeculis late dominabatur, laeteque floruits Religio Christi et Ecclesia catholica. In Aegypto, Libya, Pentapoli, et Marmarica provinciis, nec non in Abyssinia, plurimi recensebantur Episcopatus sub patriarchatu Alexandrino, qui usque Chalcedonensem synodum primum post Occidentis patriarcham locum inter patriarchas obtinuit. Post s. Marcum Evangélistám, quem s. Hieronymus1 primum Alexándriae annunciantem Christum vocat, illa in Cathedra sederunt: s. Alexander M. et s. Athanasius, qui Arianam haeresim oppugnaverunt, s. item Cyrillus, qui Nestorio restitit, illiusque haeresim disiecit. Sederunt etiam alii verae fidei illustres propugnatores. Alexandriae porro celeberrimae viguerunt scholae, in quibus a viris doctissimis adolescentes erudiebantur, ut doctrinam Christi confirmare argumentis, defendereque a calumniis Sophistarum valerent. Quarum scholarum praesidio, Athenagoraeque imprimis, Pantaeni, Clementis, Heraclae, Origenis, aliorumque studiis, qui easdem successive sunt moderati, incredibile dictu est, quae commoda, quaeve utilitates in Ecclesiam universam manaverint. In Aegypto dein primum exortum est Anachoretarum institutum, tamque late inde propagabatur, ut lapsu temporum deserta loca plena hominibus essent iliis, qui huiusmodi vitae genus profiterentur. S. Athanasii2 denique et s. Cyrilli temporibus innumerabilia prope- modum iisdem in provinciis numerabantur monachorum coenobia. Quae omnia florentem in Aegypto loquuntur Ecclesiae catholicae statum, qui autem in lugubrem commutatus est, sedente in Cathedra Alexandrina Dioscoro, nefario Eutychianae haeresis patrono, quo agente magna populi pars a fide catholica defecit, atque partibus Monophysitarum adhaesit. Extremam cladem libertati et fidei Christianorum in Aegypto, caeterisque provinciis attulit Omar, Saracenorum dux, qui a. 641. Alexandriani totamque Aegyptum occupavit, et quantum in se fuit, populum ad Mohame- dis placita recipienda vi et armis adegit.

In Africa proconsulari, Numidia item et Byzacena provinciis, quae ad Romanum pertinebant patriarchatum, Christiana religio tam celeres fecit progressus, ut Agrippinus Carthaginensis Archi-Episcopus initio fere saeculi tertii synodum agere iam potuerit septuaginta Episcoporum. Excellebat Africana haec Ecclesia fortitudine et numero Martyrum, viris item eruditione celeberrimis, Tertulliano, s. Cypriano Carthaginensi, s. Augustino Hypponensi, s. Eulgentio Ruspensi Episcopis et aliis. Non obstante autem schismate pervicaci Donatistarum res Christianorum adeo ibiNr. 970.

De Ni irritarum in Africa servitute abolenda.

• Catalog, vir. illustr. — 8 Cf. Athanas. Apolog. t. 1.