Circulares litterae dioecesanae anno 1889. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

III.

III.

Nr. 913.

Serenissimus Princeps, Archi-Dux et coronae haeres Rudolphus vitam cum morte commutavit. Nemo est in amplissima Austro-Hun- garica monarchia, et late patente Europa, qui super hac morte non ingemisceret; sed acerbissimo dolore sauciavit illa paternum cor Augustissimi Domini Nostri Imperatoris et Regis Apostoliéi, cui condolet et compatitur universus propemodum mundus. Aequum iustumve est, ut Deum Optimum Maximum pientissime deprecemur, quo afflictissimum cor optimi Regis consoletur et roboret, atque Illum in imperturbata incolumitate conservet quam diutissime in populorum sibi subiectorum solatium et emolumentum, cui promovendo omnes suas vires, omniaque studia admiranda assiduitate impendit. Procul dubio lenimen afferemus immenso dolore afflicto Regis nostri cordi, si divitem in misericordia Deum etiam pro mortuo filio exoraverimus. Praesentibus itaque dispono, ut una sequentium dierum decantetur Missa de Requie in parochialibus Ecclesiis, ad illamque solemnita- tem invitentur publici magistratus, nec non etiam fidelis populus.

Pro defuncto Arclii-Duce Rudolpho Missa de Requie celebranda.

Datum Strigonii, die 4-a Februarii 1889.

Joannes m. p.

Cardinalis, Archi Episcopus.