Circulares litterae dioecesanae anno 1889. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XX.
169 XX. Ope Circularium litterarum sub Nr. XVII. a curr. dimissarum publicata est Sanctissimi Domini Nostri Leonis divina providentia Papae XIII. Epistola Ency- clica de Patrocinio Sancti Josepbi pro temporum difficultate implorando. Gratiarum fontem, quem vigore huius Encyclicae S. Josephum Patriarcham pie colentibus et orationem eidem epistolae adnexam per mensem Octobrem publice recitantibus aperuit, Ssmus Dominus amplius reserare cupiens, Indulgentiam, et quidem dierum ter- centorum semel in die lucrandam, etiam illis Christifidelibus concessit, qui orationem memoratam quovis anni tempore et etiam privatim recitaverint. Quosuper sequens emanavit S. Congr. Indulg. DECRETUM URBIS ET ORBIS. Nr. 5538. S. Congr. Indulg. decretum de indulgentiis, orationem S. Jo- sephi quovis anni tempore etiam privatim recitantibus, concessis. Sanctissimus Dominus Noster Leo Papa XIII. summopere exoptans, ut erga Sanctissimum Patriarcham Ioseph B. Mariae Virginis sponsum cultus impensius foveatur, Eiusque praesentissimum patrocinium efflagitetur, his praesertim rerum publicarum adiunctis, quibus ob succrescentem in dies inimicorum audaciam Iesu Christi Ecclesia acrius oppugnatur, per Literas Encyclicas datas sub die 15 Augusti 1889. Marialibus precibus Sanctissimi Rosarii, quas mense integro Octobri Ipsémét Sanctissimus recitandas alias decrevit, superaddendam indixit Orationem ad Sanctum Iosephum quam praefatis Literis adnexuit. Eadem porro Sanctitas Sua quae singulis Christifidelibus eamdem Orationem publicae Rosarii recitationi per mensem Octobrem addentibus Indulgentiam septem annorum totidemque quadragenarum singulis vicibus acquirendam iam attribuit, in Audientia habita die 21 Septembris 1889. ab infrascripto Secretario S. Congregationis Indulgentiis sacrisque Reliquiis praepositae motu proprio eidem Orationi aliam Indulgentiam, defunctis quoque applicabilem, adii- cere dignata est dierum tercentorum semel in die quovis anni tempore lucrandam ab universis Christifidelibus, qui corde saltem contriti ac devote supramemoratam Orationem etiam privatim recitaverint. Praesenti in perpetuum valituro absque ulla Brevis expeditione. Contrariis quibuscumque non obstantibus. Datum Romae ex Secretaria eiusdem S. Congregationis die 21 Sept. 1889. Pro Emo ac Rmo Dmo C. Cardinale Ckistofori, Praefecto. Aloisius Card. Episcopus Sabinensis. L. f S. Alexander Episcopus Oensis, Secretarius. Strigonii, die 7. octobris 1889.
