Circulares litterae dioecesanae anno 1889. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XVIII.
150 Patriarchis, Archiepiscopis, Episcopis et ceteris Ordinariis Catholici orbis munus iniungit: I.° Ut in omnibus ecclesiis sibi subiectis ea hora qua maxima populi frequentia est recitari curent memoratam Allocutionem Pontificiam in vernaculum sermonem translatam: II.0 Ut per Litteras Pastorales, sermones parochorum, aliorumque sacerdotum qui sacras conciones habent doceri curent fideles gravitatem facinoris de quo in eadem Allocutione agitur, quid valeat, quo spectet, nec non discrimen cui obnoxia est cuiusque religio et fides propter eam sectam quae incautos petens astu et insidiis, in Eomanum Pontificatum vires omnes intendit. Moneantur porro impense fideles de obligatione qua tenentur eas vitare insidias, eam sectam oppugnare, fidem tueri, ac strenue testari voce et operibus omni denique ratione et ope legitima defendere Romani Pontificis iura, cogitantes cum libertate Illius arcte suam cuiusque libertatem esse coniunctam. III.0 Demum ut creditis sibi fidelibus publicas preces praescribant itemque opera expiatoria et salutaris poenitentiae quibus sarciatur iniuria per triste monumentum in Urbe positum divino Numini illata, placetur Eius ira, quam hominum crimina provocarunt, et abundet misericordia Eius cum in Ecclesiam suam quam securae pacis denuo compotem faciat, tum ipsos hostes, quos ad bonam frugem conversos in maternum illius complexum reducat. Datum Romae die 18. Julii 1889. I. Card. VERGA Praef. f Fr. Aloisius Episcopus Callinicen. Secretarius. Occasio ferendi hujus decreti fuit celeberrima Allocutio, quam Sanctissimus Dominus Noster habuit in extraordinario Consistorio die 30. Junii h. a. celebrato, vicesima nempe die post maximum et atrocissimum, quod unquam accidit, scandalum, inaugurationem quippe erecti Romae nequissimo homini Jordano Bruno monumenti. Pontificiam Allocutionem in Circularibus dioecesanis, ddto 9-ae Julii h. a. Nr. 3869. dimissis litteris publicavi, praemissis ad rem facientibus observationibus. Nec solam Allocutionem pontificiam, sed earum etiam litterarum, quas ddto 9-ae Junii c. a. ad Beatissimum Patrem super eodem impiissimo facto, meo et vestro nomine, exaravi, tenores una cum responso, quod jussu Summi Pontificis ad me pertigit, pariter in Circularibus Dioecesanis sub 3. Julii c. a. N. 3568. publici juris factis, communicare vobiscum haud intermisi, ut adeo neminem curatorum, Sacerdotumque hujus Archi- dioecesis esse existimem, cui praelaudatam Allocutionem, measque observationes, ac praecitatas litteras legenti, non abunde innotuerit, quis fuerit Jordanus Brunus, qui item fuerint positi eidem monumenti auctores, quae porro sit hujus vis et significatio, quae fuerit auctorum intentio e. s. p. Si quis super his amplius informari cupit, legat positum in apice praesentium S. Congregationis Episcoporum et Regularium decretum, et videbit a Massonibus in Italia, patrocinio et favore potentiorum ibidem fretis et elatis, repetenda esse omnia, quae illic inde a direptione patrimonii S. Petri? et expugnatione Urbis Romae, et violenta ab hostibus Summi Pontificis occupatione contra Ecclesiam, ac praesertim contra Romanum Pontificem ac Sedem Apostolicam excogitata, acta, factaque sunt, imo impune in dies aguntur et fiunt, manifeste eo animo studioque, ut Apostolicam Sedem evertant, et Christi Ecclesiam, Catholicam
