Circulares litterae dioecesanae anno 1889. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XV.
126 Nr. 4063. Obitus Gre- gorii Balázsy. adhibuerunt. Quod Nos ipsi toties experti sumus, et Yos etiam ipsi, qui procul dubio populum Yobis commissum sacris Missionibus aliquando recreastis.“1 Doctissimus Pontifex Episcopos Regni Neapolitani hoc cetera inter usus argumento, ad Missiones populares suis in Dioecesibus instituendas excitavit, quas ut illi morum corruptelam a populo averruncaturi, asservarent, non modo suasit, sed ursit et iussit. Scimus porro sanctissimos viros, Vincentium a Paulo, Alpbonsum a Ligorio, Paulum a Cruce, non solum in sancto opere Missionum popularium desudavisse, sed congregationes etiam religiosorum virorum fundavisse, a s. Sede Apostolica approbatas et confirmatas, ad quorum vocationem, strictamque sacro quoque voto susceptam obligationem pertinet in sacris Missionibus popularibus confluentem populum docendi, instruendi, et sacramentis reficiendi. Quis etiam non celebret multa et magna S. J. Sacerdotum merita vel propter assiduum et fatigari nescium zelum parta, quo in sacras Missiones incubuerunt vel ab Episcopis ad Apostolicos hos labores provocati, vel a parochis invitati, quorum alacritatem in subeundis ad exemplum s. Francisci Regis Missionum laboribus plures huius etiam Archi-Dioecesis Curati et experti, et mirati sunt. Missionibus sacris popularibus suos in Conciliabulo Pistoriensi non defuisse osores et detractores discimus ex actis Conciliabuli, sed etiam e Bulla Dogmatica Pii YI. „Auctorem Fidei,“ quae propositionem e decretis Conciliabuli erutam 65-am damnavit, velut temerariam, male sonantem, perniciosam, mori pie, salutariter per Ecclesiam frequentato, et in verbo Dei fundato iniuriosam. Quotiescunque igitur a Curatis de intentione Missiones populares in gremio parochiae instituendi relatum ad me fuit, intentionem non probavi tantum, sed etiam laudavi ac promovi simulque declaravi, pastorem animarum nullum maius beneficium curae suae creditis fidelibus procurare et afferre posse, quam si illis occasionem praebeat sacris in Missionibus partem capiendi. Ne igitur in optima eiusmodi intentione in effectum etiam deducenda defectu mediorum inevitabiles nonnullas expensas perstringendi, puta itinerarias, vel intertentionales Missionariorum Curati saepe optimae secus voluntatis impediantur, significandum duxi, quod sub hodierno piam fundationem fecerim, pro huius dote assignando summam capitalem decem millium florenorum in aere parato, cuius, per V. Capitulum Metr. Ecclesiae meae administrandae fundationis omnes census per Arcbi-Episcopum, sede autem vacante per praelaudatum Capitulum assignandi in sacrarum Missionum popularium rem, prout superius dictum est, convertentur, ac inter parochos vel Curatos distribuentur, qui obtenta ab Ordinariatu Missiones instituendi facultate, una pro subsidio suas interponere preces non intermittent. Strigonii, die 20-a Julii, 1889. Gregorius Balázsy, em. YAD. et parochus Nagyczéthényensis, die 17. curr. anno aetatis suae 78-o, sacerdotii vero 55-o, susceptis moribundorum sacramentis Posonii diem supremum obiit. Cuius animam piis ad aram suffragiis commendo. Strigonii, die 20-a Julii, 1889. 1 Const. Gravissimum Supremi Apóst, ministerium ad Epise, Neap. 8. Sept. 1745.
