Circulares litterae dioecesanae anno 1889. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XIV.
119 Praemissa ad regulares pariter et saeculares presbyteros referuntur. Sane Sancti Officii Congregatio in encyclicis suis litteris, quas die 29. Februarii 1649. et iterum die 26. Januarii 1692. dimisit, admonuit Episcopos, Vicarios Generales, ac Foraneos, ne facultatem celebrandi presbyteris advenis impertiantur, sive inter regularem, sive saecularem Clerum adnumerentur: „nisi litteras Episcopi, ac Praefecti Regularis prius ostendant, quibus Sacerdotes ita probentur, ut nulla falsitatis umbra vel suspicio relinquatur.“ Idem de regularium Ecclesiis statuendum, qui saecularibus presbyteris licentiam dare, ut Missam celebrent, nequeunt, nisi prius ipsorum formatae vel testimoniales litterae per Ordinarium cognoscantur et approbentur. Hoc sancitum novimus in Sacra Concilii Congregatione die 17. Novembris 1594.: „Ad quaestionem hanc, an Episcopus loci ordinarius prohibere possit, ne Regulares in eorum Ecclesiis Sacerdotes saeculares exteros divina officia celebrare permittant, nisi prius ab ipso Episcopo visis litteris co m men dati tii s ? Sacra Congregatio censuit et respondit: „posse.“ Ut vero praecepta baec districtim observentur, vel ideo neces- sum est, cum acciderint evenerintque sacrilegi casus, ut irregulares et suspensi, imo ne ordinati quidem homines sive per ignorantiam sive per supinam concernentium incuriam ad faciendam rem divinam admissi fuerint. Hoc imprimis tempore summa adhibenda est vigilantia et cautela, ne, qui ab Oriente veniunt, alio utentes ignoto hic ritu, quive sub praetextu eleemosynas ac subsidia in pias causas corrogandi totum Regnum nostrum vagabundi percurrunt, ne, ut factum est, gloriari possint, se impostores apud nos fuisse, et multos etiam Sacerdotes ad misericordiam movisse et decepisse. Moneantur etiam Sacristani, ne absente parocho vel alio Sacerdote, ignotum Sacerdotem ad Missam celebrandam admittere audeant. — Parochorum etiam est invigilare, ut eadem, quae hic statuta sunt, observentur etiam in privatis et domesticis oratoriis, quae intra fines parochiae existunt. Denique Sacerdotes extradioece- sani, licet aliunde noti, ad Missam celebrandam non admittantur, nisi ipsi exhibuerint licentiam ab Ordinario, scripto exaratam, celebrandi Missam. Strigonii, die 10-a Julii, 1889. Diebus 4. 5. et 6-a mensis curr. per Ulmum ac Rss. Dnum Paulum Pa- lásthy Eppum cons. Sareptanum s. ordinibus subdiaconatus, diaconatus et presbytera- tur initiati sunt: Fischer Josephus, Horváth Josephus, Janovics Carolus, Sztraka Josephus et Örményi Ladislaus. Nr. 3872. Neoordinati presbyteri. Strigonii, die 11-a Julii, 1889. Florianus Pachmann, parochus Modorensis, post brevem, aliquot dierum ab ictu apoplectico repetendam infirmitatem, pie susceptis moribundorum Sacramentis die 2-a curr. decessit, anno aetatis 54-o, sacerdotii 32-o. Cujus animam piis ad aram precibus commendando, pro vacante beneficio parochiali Modorensi, concursum usque 15-arn Augusti a. curr. duraturum publico. Strigonii, die 10-a Julii, 1889. Nr. 3873. Obitus Florian] Pachmann et concursus pro parochia Modorensi.
