Circulares litterae dioecesanae anno 1887 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
X.
75 X. ROMANA. INTERPRETATIONIS BREVIS. Die ii. Decembris 1886. Sess. 22 Decr. De observ. et evit. in celeb, mis. COMPENDIUM FACTI. Isabella Milano ducissa Montiscalvi, quum a S. P. Benedicto XIII, cuius erat consanguinea seu affinis, petiisset facultatem oratorii privati, hisce usa precibus: cupio facultatem erigendi oratorium privatum pro .me, Carolo et Pompeo Pignatelli, filio meo et respective nepote, nec non pro istorum descendentibus in perpetuum; die 8 Iunii 1725 rescriptum ei fuit: „SSmus annuit iuxta expetita pro aliis consanguineis SSmi.“ Et secretaria Brevium, indulti paginam extendens, hanc privati oratorii gratiam concessam scribebat „eidem Isabellae ducissae, eiusque natis et descendentibus in perpetuum.“ Iamvero nostris diebus contigit, ut marchio De Bisogno, a praefata ducissa Isabella per lineam femininam descendens, petierit, privati oratorii privilegium in vim Brevis, superius desripti sibi recognosci, admitti, et executioni demandari. Quam rem, paulo post, etiam marchio Marinus Caracciolo, aliaeque nobiles familiae a praefata muliere per cognationem descendentes postulaverunt. Et quamvis secretaria Brevium, ad rem rogata, semel respondisset, privilegium Oratorii privati, concessum amplá forrná cum dicta clausula — eiusque natis et descendentibus in perpetuum — extingui cum ultimo agnato vel agnata in linea recta primi indultarii; tamen Antistes neapolitanus scribit: adfuit qui in dubium revocavit vim maximae illius, quasi haberi nequeat veluti authentice communicata nomine SSmi Patris; et cui derogari possit in occurrentibus casibus, praecipue quando prima Brevis indultaria femina fuerit. Ideoque oravit emus Praesul, authenticam declarationem super re dari. Eo vel magis, quod praeter hunc et alii consimiles casus penderent apud neapolitanam Curiam, duorum tamen solutio, interim suspensa, imploratae decisioni obnoxia foret. Insuper quum tam ipse, quam eius emus Antecessor, et semel etiam sede vacante, Vicarius capitularis, cognatorum favore similium Brevium indulta recognoverint, postulavit normam sibi quoque dari pro eiusmodi executionibus iam peractis. Hae petitiones remissae fuerunt ad S. C. C. pro authentica declaratione. Nr. 3280. S. Congregationis Concilii declaratio de oratorio pr;. vato.
