Circulares litterae dioecesanae anno 1887 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XX.
147 XX. Festo Omnium Sanctorum in aedibus Vaticanis solemniter publicata fuerunt sex decreta apostolica, quorum ope Sua Sanctitas approbavit, respective pro veris declaravit miracula per Deum Omnipotentem patrata ad intercessionem a) VII. Beatorum fundatorum Ordinis Servorum B. Mariae Virginis; b) Beati Petri Cia ver, Sacerdotis, item Beati Joannis Bercbmans, scholastici, nec non beati Alphonsi Rodriguez, Coadjutoris S. J. c) Venerabilis Felicis de Nicosia, ordin. minorum Ca- pucinorum et d) Venerabilis Joannis Bapt. De La Salle, fundatoris Congregationis scholarum Christianarum. Aderant Eminentissimi Cardinales causarum ponentes, Praelati item alii, denique etiam Generales Ordinis Servorum Mariae, et Congregationis scholarum Christianarum, qui duo humillimas Beatissimo Patri deprompserunt grates pro latis publicatisve apostolicis decretis, ad quae idem Beatissimus Pater hanc, quae sequitur, allocutionem ad praesentes habuit: Nostro exoptatum animo percipimus hodie singularis laetitiae fructum, ex eo videlicet, quod, absoluta feliciter caussarum cognitione, maturitas propinquet summos decernendi honores heroibus christianis, de quibus modo decreta prolata sunt. — Profecto aequum est, sanctius coli et augustius celebrari tantam eorum virtutis excellentiam, cui quidem non dubiis portentis et miraculis Deus ipse testimonium impertivit; quaeque, velut editiore collocata loco, facilius poterit intuentium animos in sui imitationem posthac conducere. — Haec sane Ecclesiae catholicae vis est, haec virtus ipsi unice propria, praestantissimas virtutes, Dei munere, primum gignere maternoque studio alere, et sensim ad summum adducere; deinde vero ad religionem memoriamque immortalitatis consecrare; idque honoribus tam magnis, ut ne cogitatione quidem fingi majores in terris queant. Nec sine quodam divinae Providentiae consilio fieri putamus, ut tot vel conditores vel alumni Ordinum religiosorum tantum gloriae fastigium hoc tempore una adipiscantur. Potest enim aetas nostra, saepe utilitatum suarum male provida, ex hinc recognoscere quorsum religiosorum sodalium collegia spectent, quae passim cernimus vel opinionum levitate contemni, vel considerata invidia atrociter violari. Nos interim fidenti animo tollimus in caelum oculos ad clarissima illa Ecclesiae ornamenta et lumina; et pro maxima, qua apud Deum gratia valent, catholicum nomen, praecipueque romanum Pontificatum, ac Nosmetipsos tam diuturna asperaque dimicatione jactatos eorum tutelae suppliciter commendamus. Strigonii, die 5-a Novembris, 1887. Nr. 6141. Allocutio Beatissimi Patris habita occasione publicationis decretorum Canoniza- tionis et Bea- tificationis ut infra exponitur
