Circulares litterae dioecesanae anno 1886 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
VIII.
60 praepositae, benigne concessit Indulgentiam centum dierum, semel in die lucrandam ab omnibus utriusque sexus Cbristifidelibus, qui, corde saltem contrito, exhibitam precem devote recitaverint. Praesenti in perpetuum valituro absque ulla Brevis expeditione. Contrariis non obstantibus quibuscumque. Datum ex Secretaria eiusdem S. Congregationis die 19 Decembris 1885. I. B. Card. FEANZELIN Praefectus. FEANCISCUS DELLA YOLPE Secretarius. Strigonii, die 26-a Aprilis, 1886. Ex eadem S. Congregatione. Nr. 2624. Rescriptum, quoad confessionem faciendam per singulas hebdomadas ad acquirendas Indulgentias Plenarias. Urbis et Orbis. Ad dubia, quae proposuit E. D. D. Episcopus Leucensis et Vicarius Capitularis Friburgensis, quod attinet ad sacramentatem Confessionem, quae necessaria est ad acquirendas Indulgentias Plenarias intra hebdomadam, aut binas continuas hebdomadas occurrentes, nimirum : I. Utrum Confessio praescripta per singulas hebdomadas peragi debeat infra septem, vel potius infra octo dies ? II. An verba infra duas hebdomadas stricte interpretanda sint, ita ut Confessio peragi debeat infra qua- tuordecim dies, vel potius sufficiat bina Confessio in mense ? Sacra Congregatio Indulgentiis Sacrisque Eeliquiis praeposita respondit die 23 Novembris 1878 : Ad lm Affirmative ad primam partem, idest praescriptam Confessionem peragi debere quolibet decurrente septem dierum spatio : Negative ad secundam partem. — Ad 2m Affirmative ad primam partem, idest praescriptam Confessionem peragi debere quolibet decurrente quatuordecim dierum spatio : Negative ad secundam partem. Ad maiorem huius rei declarationem quaeritur modo : I. Utrum Christifidelis, qui singulis hebdomadis et stato die ex. gr. Sabbato, Confessionem peragere solet, statisfaciat oneri praescriptae Confessionis ? II. Utrum oneri praescriptae Confessionis satisfaciat Christifidelis qui iis in locis pro quibus viget Indultum, alternis hebdomadis et stato die ex. gr. Sabbato, Confessionem peragere solet? Sacra Congregatio Indulgentiis Sacrisque Eeliquiis praeposita die 25 Februarii 1886 ad suprarelata dubia respondit: Ad lm Affirmative. Ad 2m Affirmative. Datum Eomae ex Secretaria eiusdem S. Congregationis die 25 Februarii 1886. 1 1. B. Card. FEANZELIN Praefectus. F. DELLA VOLPE Secretarius. Strigonii, die 26-a Aprilis, 1886.
