Circulares litterae dioecesanae anno 1886 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

XVII.

115

XVII.

In exuberanti nostra laetitia propter recuperatam Regni metropolim, quae sub jugo Turearum annis supra centum quadraginta quinque gemuit, partem capere voluit etiam Sanctissimus Dominus Noster, qui gloriosae memoriae Praedecessorum suorum vestigia premendo, non una vice luculenta sui in gentem et patriam nostram amoris et sollicitudinis indicia exhibuit. — Faustissimi illius eventus bisaecularem memoriam celebraturus Encyclicas ad Nos Hungáriáé Episcopos dirigere dignatus est, paternorum, benevolentissimorum in Nos affectuum, saluberrimarumque doctrinarum ac monitorum plenas, quas dum in textu originali subnecto, adjiciendas jussi in linguam hungaricam translatas, et in hac cum fidelibus communicandas, una cum sermone sacro, die 2-a curr. Budae ad concionem per me pronunciato.

VENERABILIBVS FRATR1BVS PRIMATI ARCHIEPISCOPIS EPISCOPIS ALIISQVE LOCORVM ORDINARIIS IN HVNGARIA GRATIAM ET COMMVNIONEM CVM APOSTOLICA SEDE HABENTIBVS

LEO PP. XIII.

VENERABILES FRATRES SALVTEM ET APOSTOLICAM BENEDICTIONEM.

Nr. 5053.

Encyclicae SSmi Domini Nostri ad Episcopos Hungáriáé directae.

Quod multum diuque optabamus, ut litteris Nostris opportune liceret affari Vos, quemadmodum Episcopos ex aliis gentibus nonnullis affati sumus, eo videlicet proposito ut vobiscum consilia Nostra de rebus communicaremus, quae ad prosperitatem cbristiani nominis salutemque Hungarorum pertinere viderentur, id Nobis est per hos ipsos dies optima opportunitate datum, cum liberatam duobits ante saeculis Budam memori laetitia Hungária concelebret. — In domesticis Hungarorum laudibus haec quidem futura est ad perennitatem insignis, maioribus vestris contigisse