Circulares litterae dioecesanae anno 1885 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XIII.
92 Ad 1-um. Quoad Sodales Tertii Ordinis s. Francisci, Negative. Ad 2-um. Negative ad utramque partem. Ad 3-um. Negative post editam Constitutionem Apostolicam „Misericors Dei Films.“ Ad 4-am. Quoad primam partem, Negative; quoad secundam, Affirmative. Datum Romae ex Secretaria eiusdem Sae. Congregationis die 12 Junii 1884. L. Card. BONAPARTE pro Praefecto Card. ÖREGDIA A S. STEPHANO. FRANCISCUS DELLA VOLPE Secretarius. Strigonii, die 4-a Julii, 1885. Nr. 3692. DECRETUM. S. Rituum Congregationis Romana seu Mediolanen. Venerabilis Servi Dei Glycerii Landriani Novitii Congregationis Clericorum Regularium pauperum Matris Dei Scholarum Piarum. Super Dubio : „ An sit signanda Commissio Introductionis Causae in casu, et ad effectum de quo agitur ?“ Inter primos Sancti Iosephi Calasanctii asseclas, qui maioris Dei gloriae aeternaeque animarum salutis zelo succensi erudiendis pueris se dediderunt, sane eluxit Ven. Dei Servus Glycerins Landriani nobili Mediolanensi ortus familia, quae cum sancto Carolo Borromaeo coniuncta erat propinquitate. Ipse enim cbristianae perfectionis desiderio flagrans, vicesimo quarto aetatis suae anno divitiis ac mundi pompis nuncium mittens, Scholarum Piarum Institutum amplexus est, in quo sub inclyti Calasanctii disciplina, toto quo adhuc vixit fere sexennio, vitae integritate, demississima obedientia, orationis assiduitate, suique contemptu, nec non caelestibus charismatibus, quibus a Deo ditari meruerat, ita floruit, ut magnam sanctitatis famam sibi comparaverit. Unde factum est, ut biennio post eius obitum, qui Romae contigit die 15 Februarii anno 1618, Processus super eius fama sanctitatis vitae, virtutum et miraculorum, Romanis civibus, multisque principibus flagitantibus, ordinaria auctoritate conditus fuerit, cuius dein acta ab ipsomet Sancto Iosepho Calasanctio ad Sacrorum Rituum Congregationem delata fuere. Haec tamen causa, ob subsequentes Scholarum Piarum Congregationis vicissitudines intermissa, ad nostram usque tacuit aetatem. Nuper vero quum in civitate Tusculana, ubi Ven. Dei Servus aliquando commoratus fuerat, additionalis Processus ordinaria auctoritate super continuatione eiusdem famae sanctitatis vitae, virtutum et miraculorum constructus sit, attentisque postulationibus plurium Emorum Sanctae Romanae Ecclesiae Cardinalium, Rmorum Antistitum, aliorumque Virorum tam civili quam ecclesiastica dignitate perillustrium, Sanctissimus Dominus Noster Leo Papa XIII benigne indulsit, ut de Dubio Signaturae Commissionis Introductionis Causae praefati Ven. Servi Dei agi posset in Sacrorum Rituum Congregatione Ordinaria, absque interventu ac voto Consultorum, licet nondum elapso decennio a praesentatione in actis eiusdem Sacrae Congregationis supradicti additionalis Processus Tusculani, neque ipsius Ven. Servi Dei scriptis adhuc de more perquisitis et examinatis.
