Circulares litterae dioecesanae anno 1885 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
V.
33 V. Trisaeculare festum S. Caroli Borromaei, quem pastoralis sollicitudo gloriosum reddidit, etiam in Seminariis et Collegiis Romanis solemnissime celebratum est. Superioribus alumnisque praedictorum institutorum, quorum numerus ultra triginta assurgit, festo Cathedrae S. Petri ea obtigit fortuna, ut per Eminentissimum Cardinalem Vicarium Urbis Sanctissimo Domino Nostro praesentarentur, quem Cardinalis sic affatus est: Beatissime Pater! Solemnitatibus post saeculum redeuntibus, hac tempestate, celebriori cultu peractis, nuperrima, Sancti Caroli nomine insignis, laude praecipua accessit, quod alumnos, late per orbem, Ecclesiae instituendos, ex acribus disciplinae exercendae laboribus, in spem iucundae segetis recreaverit. Ingentes laetissima Soboles agebat gratias parenti optimo, qui, tametsi ephebis Deo dicandis, statas aedes haud primus recluserit; eos tamen per Italiam, qua patet longiusque provectos, sapientia legifera, vel post felicem transitum, ubique moderari perrexit. Eos insuper sollicitabat cura sese ad viri formam componendi, qui tot inter tantasque munerum negotiorumque vices a viridiori iuventa usque dum caelo maturus diem obiit supremum, sacerdotii decus, rebus praeclarae gestis asseruit, virtutibus ampliavit. Verum quod Divus Carolus invictam agendi patiendique constantiam ab hac potissimum Sede, omnium principe, Dei ope subnixus, delibatam, serius aetate meritisque proficiens, penitus hauserit; nos ideo, postquam romanam cathedram, Petro auctore, in saecula constitutam, venerati sumus, ad pedes Tuos, Beatissime Pater, accurrimus, aeternae vitae eloquiis imbuendi, Nos enim Tibi, ut Christo, quem visibilem refers, inhaerentes intimius quod iam praeclarissimo Antistitum dono datum gratulamur, non fugiat: animarum zelus, in Ecclesia pietas, pro iuribus, pro libertate eius, sanguinis prodiga, fortitudo. Porro quemadmodum Tuis monitis, Beatissime Pater, alacriter obtemperantes, studia Angelico Doctori, Christianae Philosophiae Duci devovimus; ita profanorum horrentes conventicula, operibus, quae Tibi in deliciis sunt maxime, sedulo ad mortem usque dediti, communi congressi praelio, communem assequemur et palmam. Nr. 1412. Allocutio Summi Ponti- . ficis ad alumnos Semina- ' riorum et Collegiorum Romanorum directa.
