Circulares litterae dioecesanae anno 1885 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XXIII.
165 duas res praeclarissimas catholici consecuturi sunt, alteram, ut adiutores sese impertiant Ecclesiae in conservanda propagandaque sapientia Christiana: alteram ut beneficio maximo afficiant societatem civilem, cuius, malarum doctrinarum cupiditatumque caussa, magnopere periclitatur salus. Haec quidem, Venerabiles Fratres, habuimus, quae universis catholici orbis gentibus traderemus de civitatum constitutione Christiana, officiisque civium singulorum. Ceterum implorare summis precibus oportet caeleste praesidium, orandusque l)eus, ut haec, quae ad ipsius gloriam communemque humani generis salutem cupimus et conamur, optatos ad exitus idem Ipse perducat, cuius est illustrare hominum mentes, permovere voluntates. Divinorum autem beneficiorum auspicem, et paternae benevolentiae Nostrae testem vobis, Venerabiles Fratres, et Clero populoque universo vestrae fidei vigilantiaeque commisso Apostolicam Benedictionem peramanter in Domino impertimus. Datum Koraae apud S. Petrum die I. Nov. an. MDCCCLXXXV. Pontificatus Nostri Anno octavo. LEO PP. XIII. Strigonii, die 22-a Novembris, 1885. PLACENTINA. Caeremoniarius Episcopalis dioeceseos Placentinae in opere, cui titulus: Praxis Pontificalis, auctore cl. Herdt, relate ad facultatem qua potiuntur Episcopi elargiendi Benedictionem Apostolicam cum plenaria indulgentia, sequentia perlegit: „Si tamen lectio Litterarum Apostolicarum supprimatur, ne populus diutius in ecclesia retineatur, et sola formula: Attentis facultatibus — latino et vernaculo idiomate legatur, ut de delegatione constet, declaravit S. Congregatio Indulgentiarum, illum ritum et formam, attenta rationabili causa exposita, revera stifficere ad lucrifaciendam Indulgentiam Apostolicae Benedictionis, dummodo per formulam: — Attentis facultatibus, etc. — fidelibus constet ex delegatione Pontificia tantum impertitam fuisse. “ Iam vero ab hac Sacra Congregatione Indulgentiarum et SS. Deliquiarum sequentium dubiorum solutionem humiliter expostulat: 1. Utrum responsum Sacrae huius Congregationis a cl. Auctore relatum, quod in collectione Decretorum legitur, datum sub die 30 iunii 1840, generale sit, an non: nempe: Utrum quotiescumque adsit illa rationabilis causa, liceat Litterarum Apostolicarum lectionem supprimere, maxime si alias iam iterum iterumque integrae lectae sint; an non? Et quatenus negative; — 2. Utrum, attenta rationabili causa ut supra, liceat uti aliquo brevi compendio lingua etiam vernacula, ex. g. uti sequitur: — Sequitur compendium. Sacra Congregatio Indulgentiis Sacrisque Deliquiis praeposita, die 24 iulii 1885, relatis dubiis, ita respondit: Ad 1. Affirmative ad primam partem; Negative ad secundam. Ad 2. Provisum in primo. Datum Domae ex Secretaria Sacrae eiusdem Congregationis die 24 iulii 1885. I. B. Card. FDANZELIN, praefectus. IOSEPHUS M. Can. COSELLI, substitutus. Nr. 6390. Decretum S. C. Indulgentiarum. Strigonii, die 22-a Novembris, 1885.
