Circulares litterae dioecesanae anno 1885 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XVIII.
127 XVIII. E Circularibus Dioecesanis litteris ddto 14-ae Septembris 1883. Nr. 4467. et item ddto 15-ae Sept. 1884. Nr. 4585. dimissis notum omnibus est, Sanctissimum Dominum Nostrum Encyclicis suis: „Supremi Apostolatus“ et „Superiore anno“ aeque tunc publicatis, disposuisse, ut mensis October integer praedictis annis Beatissimae Virgini Mariae a Rosario sacer dicatusque sit, ac iccirco festum SSmi Rosarii, in Dominicam I. nunc memorati mensis incidens, ubique locorum ac terrarum solito solemnius celebretur, et item, ut a prima die Octobris usque secundam diem Novembris in Ecclesiis per Encyclicas illas designatis, vel ab Ordinariis designandis quinque saltem Rosarii decades, adjectis Litaniis Lauretanis pie recitentur vel sub Missa coram exposito Venerabili celebranda, vel in devotione pomeridiana itidem coram exposito Venerabili peragenda. Hanc pro annis 1883. et 1884. editam, ac in liac Archi-Dioecesi observatam dispositionem Summus Pontifex, teste subnexo S. R. C. Decreto, hoc etiam, qui decurrit, anno, imo sequentibus quoque annis, et eousque observandam praecipit ac mandat, donec ratio dispositionis seu constitutionis non cessaverit, idest, donec rerum Ecclesiae, rerumque publicarum praesentia tristissima adjuncta perdurent ac de restituta Pontifici Maximo plena libertate Deo referri gratiae ab Ecclesia possint. Quae itaque in executionem subnexi Decreti disponenda forent, jam sub 14-a Sept. 1883. Nr. 4467. disposita constitutaque fuerunt, quae hoc etiam anno, nec non futuris quoque annis ad amussim observanda erunt. DECR E T U M Urbis et Orbis. Inter plurimos Apostolicae vigilantiae actus, quibus Sanctissimus Dominus Noster Leo PP. XIII, ab inito Summi Pontificatus munere, Ecclesiae ac universae societati, Deo adiuvante, optatae tranquillitati restituendis consulere satagit: luce clarior nitet Encyclica Epistola Supremi Apostolalus, I Septembris MDCCCLXXXIII, de celebrando toto mense Octobri eius anui gloriosae Dei Matris Mariae sacratissimo Rosario. Quod sane speciali Dei providentia praecipue institutum est ad potentissimum caeli Reginae praesens auxilium adversus christiani nominis hostes exorandum, ad tuendam fidei integritatem in dominico grege, animasque divini sanguinis pretio redemptas e sempiternae perditionis tramite eripiendas. Tum vero laetissimi Christianae pietatis et fiduciae in caelesti Mariae Virginis patrocinio fructus in omni loco catholici orbis ex tam salutari opere eo mense collecti, tum adhuc insidentes calamitates causa fuerunt, ut subsequente anno MDCCCLXXXIV, die XXX Augusti, aliae accesserint Apostolicae litterae Superiore anno, cum iisdem hortationibus et praeceptionibus Nr. 4954. S. R. C. Decretum, quo disponitur, ut quae duobus superioribus annis de festo SS. Rosarii, hocque per Octobrem recitando constituta sunt,porro observentur. ■ «
