Circulares litterae dioecesanae anno 1885 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XVI.
112 Nr. 4463. Collegium Prosynoda- lium examinatorum coordinate. bilae Beatissimo Patri readkibendae obsequium impensius commendavi. Erroneam fuisse praedictam persuasionem mox patuit, et hodie jam novimus annum 1887-um futurum sacerdotii Summi Pontificis jubilaeum. Ad quinquagesimum illum anniversarium diem solemnissime obeundum e parte catholicorum in Italia et alibi praeparationes jam nunc fiunt magnae et insolitae. Studia, quae huic impenduntur fini, Sanctissimo Domino Nostro probari e subnexo rescripto cognoscimus. LEO PP. XIII. Dilecti Filii, salutem et Apostolicam benedictionem. Ex litteris amantissi- mis a vobis datis die XXVI huius mensis accepimus curas a vobis initas ad filialis pietatis officia erga Christi in terris Vicarium promovenda, quinquagesimo anniversario die appropinquante, quo Nos Sacerdotale ministerium divina benignitate favente suscepimus. Intelleximus etiam ingentem late fidelium numerum piis studiis vestris alacriter respondisse, quorum cura est, ut sepulcra principum Apostolorum votis animoque adeuntes, Ipsorum suffragatione interposita, divinam Nobis opem et praesidium tam necessario tempore comprecentur. Cum Nos probe agnoscamus, dilecti filii, id vobis cunctisque sociis vestris propositum esse, ut in persona humilitatis Nostrae Apostolorum Principi honorem tribuatis, cuius dignitas in indigno haerede non deficit, magno Nobis solatio est, in iis doloris causis, quas temporum iniquitate habemus, fides, observantia et pietas vestra, eorumque omnium, qui sese pietatis vestrae consortes praebent; vobisque omnibus peculiarem paternae Nostrae caritatis affectum ultro profitemur. Desideria autem illa quae Nobis declarastis, libenter excipientes, non omittemus, ut poscitis, vestri vestrorumque sociorum ad altare Domini vicissim memores esse, ut in humilitate cordis Nostri, divinarum vobis omnibus gratiarum munera, et opportuna auxilia suppliciter imploremus. Interea devotam vestram aliorumque filiorum in Christo Nostrorum voluntatem erga supremum Ecclesiae Pastorem impense commendantes, Apostolicam Benedictionem in pignus sincerae dilectionis Nostrae, vobis et universis quorum nomine scripsistis, peramenter impertimus. Datum Ifomae apud S. Petrum die XXIX Junii, anno MDCCCLXXXV. Pontificatus Nostri Octavo. Dilectis Filiis! Eq. Joanni Acquaderni Praesidi, aliisque Sodalibus operam navantibus filiali pietati promovendae in Jubilaeo Sacerdotali Pontificis Maximi Bononiam. Leo PP. XIII. Strigonii, die 7-a Augusti 1885. oynodalium et prosynodalium examinatorum collegium ad exigentiam Pontificiarum constitutionum, decretorum item S. Congregationis Concilii, nec non rescripti ab hac ipsa Congregatione ddto 13-ae mox praeterlapsi mensis ad me directi coordinandum fuit; qui enim adusque seu qua synodales, seu qua prosynodales examinatores delecti fuerunt, eorum alii relevari ab hoc munere se petierunt, alii vero
