Circulares litterae dioecesanae anno 1884 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XIII.
94 — Ceterum, dilecti filii, proposita vobis Francisci Patris imagine, ad illius praestantiam, quantum assequi imitatione potestis, contendite. Summa cura providete, ut in singulis familiis vestris vigeat illa, quam profitemini, morum sanctitas, vitae disciplina : quoniamque vos estis in praecipuis munerum gradibus collocati, date operam ut ceteros, sicut dignitate anteceditis, ita exemplo praecedatis. Quam ad rem placet eisdem vos verbis dimittere quibus Paulus Apostolus ad cbristianam virtutem Philippenses hortabatur : digne evcmgelio Christi conversamini ... et in milio terreamini ab adversariis . . . idem sapiatis, eamdem caritatem habentes, unanimes, idipsum sentientes. — Quorum bonorum auspicem, benevolentiaeque Nostrae testem, vobis Ordinisque vestri sodalibus universis Apostolicam benedictionem peramanter in Domino impertimus. Strigonii, die 25-a Maii, 1884. Nr. 2555. Terminus asservandi examinis concur- sualis cum juvenibus statum clericalem ingredi cupientibus. Examen sic dictum concursuale, cum adolescentibus ad statum clericalem aspirantibus die 2 mensis Julii instituetur; quem terminum DD. Curati ad notitiam concernentium cum eo perferre velint, quod concursuri die examen praecedente postremo obtentum testimonium scholare et litteras baptismales in Cancellaria Prima- tiali exhibere debeant. Recipientur autem juvenes, incipiendo a quarta classe gym- nasiali, sed ii tantum qui cursum scholasticum laudabili cum profectu emensi sunt et firma corporis constitutione gaudent. Qui praeter linguam hungaricam aliam adhuc sive germanicam, sive slavicam, in hac Archi-Dioecesi ob majorem fidelium huius labii numerum ad exercendam curam animarum necessariam, bene callent, adolescentes, horum caeteris paribus ratio habebitur. Strigonii, die 25-a Maii, 1884. Nr. 2556. Libellus cui titulus „A legszentebb nap“ commendatur. Paulus Fonyó Colocensis ADioecesis Presbyter et plurium librorum scholasticorum alias a me commendatorum auctor, recentissime sub titulo „A Legszentebb Nap“ compilavit et typis quoque vulgavit libellum precatorium, in quo praeter instructiones de Sacramento poenitentiae et Sanctissima Eucharistia captui pubis scholaris accomodatas, continentur etiam preces, dignam utriusque Sacramenti susceptionem efficere queuntes nec non aliae precum formulae, quae in similibus libris passim occurrere solent. Opusculum elegantibus typis impressum et approbatione Ordinarii provisum, erga requisitionem auctoris hisce commendatur. Strigonii, die 24-a Maii, 1884. Nr. 2557. Obitus Joan- nis Potkányi et concursus pro parochia Laksárujfal- vensi. Joannes Potkányi parochus Laksárujfalvensis, die 6-a Martii a. c. ex ictu apoplectico, amissa facultate loquendi, postquam extreme unctus fuisset, decessit. Vixit annos 62, e quibus in ministerio altaris exegit 37; cuius animam dum solitis ad aram suffragiis commendo, una pro beneficio parochiali Laksárujfalvensi concursum, usque finem futuri mensis Junii duraturum publico. Strigonii, die 24-a Maii, 1884.
