Circulares litterae dioecesanae anno 1884 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XII.
89 XII. Per Sacrae Rituum Congregationis DECRETUM Urbis et Orbis cuius tenor est sequens: Iam inde ab anno MDCCCLIX sa. me. Pius PP. IX, ad impetrandam Dei opem, quam tempora difficilia et aspera flagitabant, praecepit, ut, in templis omnibus Ditionis Pontificiae, certae preces, quibus sacras Indulgentias adiunxerat, peracto sacrosancto Missae sacrificio, recitarentur. Iamvero gravibus adhuc insidentibus malis, nec satis remota suspicione graviorum, cum Ecclesia catholica singulari Dei praesidio tantopere indigeat, Sanctissimus Dominus Noster Leo Papa XIII opportunum iudicavit, eas ipsas preces nonnullis partibus immutatas toto orbe persolvi, ut quod Christianae reipublicae in commune expedit, id communi prece populus Christianus a Deo contendat, auctoque supplicantium numero divinae beneficia misericordiae facilius assequatur. — Itaque Sanctitas Sua per praesens Sacrorum Rituum Congregationis Decretum mandavit, ut in posterum in omnibus tum Urbis tum catholici orbis Ecclesiis preces infra scriptae, ter centum dierum Indulgentia locupletatae, in fine cuiusque Missae sine cantu celebratae, flexis genibus recitentur, nimirum : rTer Ave Maria, etc. Deinde dicitur semel Salve Regina, etc. et in fine: f. Ora pro nobis, sancta Dei Genitrix, jb. Ut digni efficiamur promissionibus Christi. OREMUS Deus, refugium nostrum et virtus, adesto piis Ecclesiae tuae precibus, et pi'aesta; ut, intercedente gloriosa et Immaculata Virgine Dei genitrice Maria, beato Iosepho, ac beatis Apostolis tuis Petro et Paulo et omnibus Sanctis, quod in praesentibus necessitatibus humiliter petimus, efficaciter consequamur. Per eumdem Christum Dominum nostrum, fjb. Amen.“ Contrariis non obstantibus quibuscumque. Die Epiphaniae Domini VI Ianu- arii MDCCCLXXXIV. L. f S. Nr. 2283. Praescribuntur preces in omnibus orbis catholici Ecclesiis in fine cuiuslibet Missae lectae recitandae D. Card. Bartolinius S. R. C. Praefectus. Laurentius Salvati S. R. C. Secretarius.
