Circulares litterae dioecesanae anno 1884 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XI.
86 Hae rationes omnes, quae adeo manifesta evidentia fulgent, facile demonstrant, quanti facienda sint ea sophismata, quae producuntur ad imminuendam sententiae vim, opinione publica iam reprobatae. His animadversionibus innixa Amplitudo tua curabit ut iste Minister ab exteris negociis attentionem ferat super gravitate huius novi ausus Italici Regiminis contra S. Sedis iura, contra Pontificiae potestatis exercitium, liberumque mediorum usum, quae Fidei Christianae propagationi sunt omnino necessaria. Item ex hac iurium violatione eadem Amplitudo tua occasionem captabit ut iniurias vexationesque perplurimas ostendat atque enarret, quae quidem Romani Pontificis conditionem quotidie difficiliorem intolerabilioremque reddunt. Si quidem praecipuae supremi ordinis rationes, si officia studiaque Virorum maxime spectandorum, sententiam Romano Pontifici adeo iniuriosam perniciosamque, atque ab omnibus cordatis quibusque viris habitam tamquam ipsi rei publicae gerendae rationi repugnantem, impedire nequaquam potuerunt, iure heu! timendum est, perduellium audaciam consiliaque fore ut quotidie vi imperioque excrescant, atque supremum Ecclesiae Catholicae Pontificem ad teterrimas angustias adducant. Hae tanti momenti rationes in spem adducunt fore ut supremi istic rei publicae administratores, penes quos Legati munere Amplitudo tua fungitur, animo benevolenti curam et patrocinium suscipiant Institutionis, quae' unum constituit e praecipuis Romani Pontificatus atque Ecclesiae Catholicae ornamentis: ac serio considerent, utrum tolerari deceat ac possit, quum res ita se habeant, ut Romanus Pontifex his similibusque violentiis et direptionibus sit quotidie expositus, quae ipsi supra modum difficile, ne dicam impossibile reddunt suae divinae Missionis complementum. Harum literarum lectionem et exemplar Administro ab exteris negociis Amplitudo tua exhibeat. Meae erga Amplitudinem tuam existimationis testimonium confirmo. Romae 10 Februarii 1884. Nr. 2165. Obitus Joseph! Szabó, Episcopi et E. M. S. Cantoris Canonici. Die 27. a curr. gravem Archi-Hioecesis haec jacturam fecit e decessu Illmi ac Rssimi Dni Josephi Szabó, consecrati Nilopolitani, meique in Pontificalibus Suffra- ganei et Auxiliaris Episcopi, in spiritualibus Vicarii et Causarum Auditoris Generalis, E. Metr. Strig. Cantoris Canonici, SS. Theologiae Doctoris etc. etc. Mentem sanam in corpore sano sortitus, cum praeter docilitatem ingenii magna ei inesset discendi aviditas, parque memoriae vis, nihil mirum, quod inter aequales jam tunc dum ad humaniora, philosophica, theologicaque studia incumbebat, haud exiguam fecerit expe- ctationem sui. Sacerdotio initiatus, ad obeundum pastorale munus qua Cooperator ad tres successive paroecias missus, tanto zelo gravi defungebatur officio, ut nunquam laboribus parceret. Sacris in primis sermonibus excelluit, optime elaboratis et propositis, quorum memoriam apud fideles non facile vel longissima aetas oblitterabit. Quidquid a pastoralibus laboribus supererat temporis, lectioni dabat et scriptioni. Ad profitendam primo quidem Historiam Universalem et Pragmaticam Hungáriáé, mox vero ad Theologiam Moralem ac Pastoralem missus discipulorum utilitatem in primis non sui praedicationem spectavit. Ad eius famam plurimum contulere, qui ex ipsius
