Circulares litterae dioecesanae anno 1884 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

XXVI.

185

Quid Yobis videtur?

Itaque auctoritate omnipotentis Dei, sanctorum Apostolorum Petri et Pauli et Nostra creamus et publicamus S. ß. E. Presbyteros Cardinales:

Michaelangelum Celesia,

Antonium Monescillo y Yiso,

Gulielmum Massaia,

Caelestinum Ganglbauer,

Zephyrinum Gonzalez y Diaz,

et Diaconos Cardinales:

Carminem Merosi Gori,

Ignatium Masotti,

Isidorum Yerga.

Cum dispensationibus, derogationibus et clausulis necessariis et opportunis. In nomine Patris f et Filii f et Spiritus f Sancti. Arnen.

Ex hac allocutione discimus, ob Encyclicas „Humanum genus“ majus exarsisse odium hostium Ecclesiae in hanc et Sedem Apostolicam, majoresque ab iis impendere pugnas ac impetus, quibus vero impavidus occurret Successor illius Apostoli, quem gradientem in fluctibus Christi dextera erexit, qui suis promissis conformiter suum in terris vicarium nullis sinet perturbationibus concuti, quem in apostolica petra locavit ac solidavit. Discimus porro, Ecclesiam tantis agitatam turbinibus in aliis orbis partibus ampliora in dies capere per praedicationem Evangelii incrementa, in Indiis, in Australia, in America autem septemtrionali roborari in dies magis, ubi his ipsis diebus celebratur plenarium Concilium, quo numerosior plenaria Synodus vix aliquando coadunabatur, ad quod quippe Archi-Episcopi 13, Episcopi 64, Abbates 6, Praelati 11, Seminarii ßectores 12, religiosorum Ordinum Provinciales 34, et theologi synodales 87 confluxerunt. In Africa tandem occidentali, ubi Christiana jam vigent et coluntur instituta, restitutam fuisse discimus Carthaginiensem Archi-Episco- palem Sedem, atque ad hanc evectum Cardinalem illum, qui Africanorum Apostolus dici meretur. Hic idem Praesul, ut ab illius ad nos quoque misso Secretario com- perimus jam aedes Seminarii, cum schola, domibusque, quas Antistes et Clerus incolet, exstruxit, atque nunc in eo laborat, ut Ecclesiam excitet Cathedralem, cui omnes illi adjutorio esse poterunt, qui onus Missarum ad intentionem dantium absolvendarum in se susceperint. Quamobrem praesentibus Archi-Dioecesanos Sacerdotes provocandos duxi, ut qui hoc tam facili modo partem meritumque in consummando tanto opere capere et habere voluerint, Missarum abs se, ad dictam intentionem celebrandarum numerum, horsum indicare velint. Stipendia absolvendarum Missarum, quae in pium opus convertentur, collecta fuerunt in Gallia, sub cuius protectionem stabit Ecclesia Carthaginiensis.

Strigonii, die 5-a Decembris, 1884.