Circulares litterae dioecesanae anno 1884 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XXV.
174 liaud sinunt. — Non deest illi altera, subveniendi nempe Curatis, aliisque Presbyteris, qui vel in re familiari citra suam culpam, maius damnum passi sunt, vel restaurandae valetudinis causa, majoribus gravantur expensis, vel in intertenendo subsidiario Sacerdote sublevandi sunt. Haec altera fundi auxiliaris destinatio porro quoque intacta servabitur, immo ad presbyteros rude ac pensione donatos extenditur ita, ut ipsi etiam suis in indigentiis pro subsidio sibi exinde praebendo instare cum effectu possint, dummodo tamen suas pro lioc ipso auxiliari fundo symbolas conferre non neglexerint. — Non defuerunt VADiaconales Districtus, coordinationem huius tam urgentis objecti sic effici obtinerique volentes, ut beneficiorum, officiorumque ecclesiasticorum proventus taxarentur, possessoresque illorum ad censum fixum quolibet anno dependendum adigerentur. Modum hunc constanter rejeci, volendo, ut e fraternae munificentiae fontibus et charitatis rivulis profluant subsidia in augmentum pensionum convertenda. Non enim jubetur liberalitas, nec charitas, nec sacrificium, et si beneficentia libera non est, nec virtus est. Confido in Domino fore, ut iidem fontes iidemque rivuli nec deinceps exsiccentur, sed indesinenter fluant, humectaturi fundos tam nobili fini sacratos, germinaturique fructus, solerter colligendos, ac subin novo pensionum augmento impendendos. Strigonii, die 9-a Novembris, 1884. Nr. 5608. Terminus exhibendorum recursuum pro subsidio e fundo scholari ADioecesano praefigitur. Quum duae tertiae censuum fundi scholaris ADioecesani, anno 1880 per me erecti cum fine anni labentis distribuendae veniant, praesentibus provocantur DD. VADni et scholarum elementarium inspectores, ut prae oculis habitis illis, quae alias, ac praesertim in Circularibus Dioecesanis litteris a. 1881. Nr. 5239. circa hoc objectum publicata sunt, supplices ludirectorum et docentum pro subsidio recurrentium recipiant illosque comite opinione sua usque finem Decembris, tamquam ultimum terminum, horsum promoveant. Superfluum autem videtur adnotare, ut illos solummodo commendent, qui subsidio non tantum digni sed etiam indigi sunt, om- nibusque alias abhinc communicatis qualitatibus gaudent. Strigonii, die 7-a Novembris, 1884. Nr. 5609. „Egyházügyekre vonatkozó rendeletek tára“ commendatur. Edrnundus Tokody, parochus Ujpécsensis in Dioecesi Csanádensi anno 1882. publicavit opus sub titulo „Egyházügyekre vonatkozó magyar országos törvények, királyi és kormányrendeletek tára“ in quo prout jam ipsa ejusdem inscriptio indicat, collegit intimata regia, leges et ordines ministeriales, ad ecclesiasticos pertinentes. Exemplaria primae editionis brevi distracta sunt adeo, ut nunc jam secunda editio necessaria evaserit ac nuperrime typis vulgata fuerit, quae sive numerum collectarum legum aliarumque dispositionum, sive vero ordinem systematicum, quo digestae libroque insertae sunt spectemus, multo praestat priori. Usum ejus facilem reddit index alphabeticus ad calcem adnexus. Quapropter opus hoc, Clero praesertim Curato utilissimum, precibus auctoris conformiter, praesentibus commendamus. Strigonii, die 6-a Novembris, 1884.
