Circulares litterae dioecesanae anno 1884 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

III.

13

Pro statu notitiae et directionis communicantur sequentis tenoris :

I)E RELIQUIIS.

Litterae Emi et Rmi. Card. Vicarii Generalis Sanctitatis Suae.

Nr. 824.

De Reliquiis Litterae Emi et Rmi Cardinalis Vicarii Generalis Sanctitatis Suae.

lam ex litteris a me datis die XVI. Calendas Februarias anni 1881 ad omnes Archiepiscopos et Episcopos iussu Sanctissimi Domini Nostri Leonis Papae XIII.*) significatum est, impios quosdam homines ita sacrilego pecuniae desiderio arsisse, ut cineres et ossa quaecumque, veluti sanctorum Martyrum corpora e suburbanis veterum Christianorum coemeteriis extracta venditarint, ac ipsas litteras authenticas saepius ex ingenio improbe confecerint. His itaque insidiis multos irretiverunt, qui recte se agere existimantes corpora illa pretio redempta in longinquas etiam regiones detulerunt. Quapropter eosdem Archiepiscopos et Episcopos monui, ut reliquias et corpora sanctorum Martyrum, quae veluti e coemeteriis romanis educta et authenticis etiam litteris communita ferebantur, generatim suspecta haberent, nec permitterent fidelium cultui proponi, donec novis litteris edicerem, qua ratione circa ea se gerere deberent.

Nunc vero confectis actis, ex quibus constat qui auctores et adiutores sacrilegae fraudis fuerint, quibus annis nefario commercio operam dederint et quo artificio usi sint, res ita palam evasit, ut de falsis illis corporibus ab iis, qui sacrarum Reliquiarum Custodiae praepositi sunt, certum indicium proferri possit. Quocirca ut ex Ecclesia huius sceleris vestigium omne deleatur, Sanctissimus Dominus Noster iubet Archiepiscopos, Episcopos, Vicarios apostolicos per suam quemque Dioecesim et loca sibi commissa diligenter inquirere in Ecclesiis, Monasteriis, Domibus et Oratoriis privatis ad Ordines etiam Regulares pertinentibus, et quatenus opus sit tanquam Sanctae Sedis delegatos, ubinam eiusmodi corpora extent, quae sanctorum Martyrum esse praeferuntur.

Cum vero nonnulla huiuscemodi corpora in religiosis Domibus ita fortasse delitescant, ut Episcoporum inquisitionem possint effugere, iussu Summi Pontificis omnibus Superioribus generalibus cuiusque Ordinis et Congregationis mandatur, ut per suos Provinciales vel Superiores locorum inquirant, quibus locis, Domibus, Oratoriis et Ecclesiis proprii Ordinis seu Congregationis adserventur.

Haec porro inquisitio inchoanda erit ab anno 1874, cum nondum constet, ante id temporis falsarios sacrilego facinori iam tunc coepisse operam dare. Igitur

*) Vide Cire. Dioec, ex 1881. Nr. 1603. pag. 29.