Circulares litterae dioecesanae anno 1884 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XXI.
149 vel iustis de causis inter domesticos parietes eadem peregerint, et criminum confessione expiati sancta de altari libaverint, plenariam admissorum veniam de Ecclesiae thesauro impertimus. Plenissimam hanc admissorum veniam et poenarum remissionem his omnibus etiam largimur, qui vel ipso beatae Virginis a Rosario die festo, vel quolibet ex octo insequentibus, animi sordes eluerint et divina convivia sancte celebraverint, et pariter ad mentem Nostram in aliqua sacra aede Deo et sanctissimae eius Matri supplicaverint. Iis denique consultum volentes, qui ruri vivunt et agri cultione, praecipue octobri mense, distinentur, concedimus ut singula, quae supra decrevimus, cum sacris etiam indulgentiis octobri mense lucrandis, ad insequentes vel novembris vel decembris menses, prudenti Ordinariorum arbitrio differri valeant. Non dubitamus, Venerabiles Eratres, quin curis hisce Nostris uberes et copiosi fructus respondeant, praesertim si quae Nos plantamus, et vestra sollicitudo rigaverit, iis Deus gratiarum suarum largitione de caelo afferat incrementum. Pro certo quidem habemus populum Christianum futurum dicto audientem Apostolicae auctoritati Nostrae eo fidei et pietatis fervore, cuius praeterito anno amplissimum dedit documentum. Caelestis autem Patrona per Rosarii preces invocata adsit propitia, efficiatque, ut sublatis opinionum dissidiis et re Christiana in universis orbis terrarum partibus restituta, optatam Ecclesiae tranquillitatem a Deo impetremus. — Cuius auspicem beneficii, Vobis et Clero vestro, et populis vestrae curae concreditis Apostolicam Benedictionem peramanter impertimus. Datum Romae apud S. Petrum die XXX Augusti MDCCCLXXXIV, Pontificatus Nostri Anno Septimo. LEO PP. XIII. Praemissa Encyclica eiusdem prorsus est argumenti, cuius fuit illa, ‘quam de cultu Beatissimae Virginis, velut Reginae SS. Rosarii die 1-a Sept. 1883. editam, sub 14-a eiusdem mensis et anni Nr. 4467. ope Circularium Dioecesanarum litterarum publicavi, additis dispositionibus, a DD. Curatis, fidelique curae eorum credito populo observandis, ut piissimae intentioni, jussisque Summi Pontificis satisfieret. Ad easdem ipsas dispositiones remittuntur, invianturque DD. Curati. Quorum proinde erit, factas tunc dispositiones relegere, et a 1-a futuri mensis Octobris, usque diem 2-am Novembris observare, et quantum in se est, observari facere. Strigonii, die 15-a Septembris, 1884. Die 7-a curr. Sacramentis moribundorum rite munitus ad aeternitatem migravit Michael Tichy, Parochus in Nyitra-Vicsap, 19-a Novembris 1816. natus, et 15-a Julii 1844. in Presbyterum ordinatus, cuius animam dum piis ad aram suffragiis commendo, pro vacante, quam tenuit, parochia concursum, usque finem futuri mensis Octobris duraturum, publico. Strigonii, die 15-a Septembris, 1884. Nr. 4586. Pro vacante per obitura Michaelis Tichy, parochia Nyitra- vicsapensi concursus publicatur.
