Circulares litterae dioecesanae anno 1883 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

XXI.

117

tissimis hisce Ecclesiae temporibus, in maxima christiani populi parte stet ac vigeat antiqua in augustam Virginem religio et pietas. Nunc vero exhortationibus his Nostris excitatae, vestrisque vocibus incensae christianae gentes vehementiore in dies animi ardore sese in Mariae tutelam fidemque recipiant; et adamare magis ac magis insistant Marialis Rosarii consuetudinem, quam maiores nostri non modo uti praesens in malis auxilium, sed etiam nobilis instar tesserae christianae pietatis habere consueverunt. Obsecrationes concordes ac supplices libens excipiet humani generis Patrona caelestis, illudque facile impetrabit, ut boni virtutis laude crescant; ut devii sese ad salutem colligant ac resipiscant; ut vindex scelerum Deus ad clementiam ac misericordiam conversus rem Christianam remque publicam, amotis periculis, optatae tranquillitati restituat.

Hac spe erecti, Deum ipsum, per Eam in qua totius boni posuit plenitudinem, summis animi Nostri votis enixe obsecramus, ut maxima quaeque Vobis, Venerabiles Fratres, caelestium bonorum munera largiatur: in quorum auspicium et pignus, Vobis ipsis et Clero vestro et populis cuiusque vestrum curae concreditis, Apostolicam Benedictionem peramanter impertimus,

Datum Romae apud R. Petrum die I Septembris, a. mdccclxxxiii. Pontificatus Nostri Anno Sexto.

LEO PP. XIII.

Sanctisssimus Dominus Noster gravissimis, quae in praemissa Encyclica recensentur, motus argumentis, calamitosis his temporibus ad opem Deiparae Virginis implorandam nos excitat, ut precibus, meritis ac Patrocinio Deigenitricis impetrentur ex Alto remedia malorum, quibus humana societas laborat, obtineanturque coelestia lumina, et gratiae, sine quibus salva illa consistere, ac ad optatum pacis, tranquillitatisque portum pertingere nequit. Vel pauca, quae in Apostolicis Litteris in medium proferuntur, facta, luculentur comprobant, Beatissimam Virginem jure meritoque vocari Auxilium Christianorum, recteque cani ab Ecclesia 1) „Te Redemptoris, Dominique Nostri, dicimus Matrem, speciosa Virgo, Christianorum decus, et levamen, rebus in arctis. Saeviant portae licet inferorum, hostis antiquus fremat, et minaces, ut Dei sacrum populetur agmen, suscitet iras. — Nil truces possunt furiae nocere, mentibus castis, prece quas vocata, annuens Virgo fovet, et superno robore firmat.“ — Potentissimam autem opem, Patrociniumque Beatae Mariae semper Virginis implorari ab Ecclesiae filiis Christi in terris Vicarius vult antiquo, trito, Deiparae Imma. ^ culatae Virgini gravissimo cultu, qui Ipsi exhibetur per preces Rosarii, a tantis Summis Pontificibus, tam enixe fideli populo ideo commendati, quia Rosarii precibus exorata Dei Grenitrix terrenos infernosque hostes toties superare, profligare, perdereque dedit. — Suorum itaque Praedecessorum insistens vestigiis Summus Pontifex universos Christianos hortatur, ut vel publice, vel privatim in sua quisque domo et familia hoc Rosarii officium peragere studeant, et non intermissa consuetudine usurpent. Vult porro, ut futurus mensis October integer B. Mariae Virgini a Rosario sacer dicatusque sit. — Decernit item ac mandat, ut festum San') Fest. Auxil. Cliristianor.