Circulares litterae dioecesanae anno 1882 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

XVI.

XVI.

1. SALFORDIEN.

De non adhibendis thurificationibus in Missa, quae cantatur sine adsistentia Ministrorum sacrorum.

A Revmo hodierno Episcopo Salfordiensi quum a s. Rituum Congregatione exquisitum fuerit: An liceat absque speciali Apostolico induito in Missa, quae celebratur cum cantu, sed sine adsistentia sacrorum, thurificationes peragere ? Sacrorum Rituum eadem Congregatio, referente subscripto Secretario, respondit: „Negative, iuxta alia decreta.“ Atque ita respondit et rescripsit.

Nr. 3763.

Quaepiam S. Congregationis Rituum decreta publicantur.

Die 7 Iulii 1880.

D. CARD. BARTOLINIUS S. R C. Praefectus.

Placidus Ralli S. R. C. Secretarius.

2. DECRETUM GENERALE,

quo prohibetur Missa de Requie etiam praesente cadavere in dedicatione propriae

Ecclesiae.

Ex minus recta interpretatione Decreti sacrorum Rituum Congregationis, sub die 8 Aprilis 1808 lati in una Compostellana, quo declaratum iuerat dici posse Missam de Requie, praesente cadavere, diebus primae classis, licet non festivis de praecepto, excepto Festo Titularis, factum est ut in nonnullis Ecclesiis usus invaluerit eiusmodi Missas canendi in solemnitate anniversarii propriae Dedicationis, quod utpote Festum Domini, ac prae Titulari maioris dignitatis honore pollens, vi decretorum nunquam ipsi postponendum est. Quocirca eadem sacra Rituum Congregatio ad omnem ambiguitatem tollendam, opportunum e re esse duxit declarare, quemadmodum per praesens Decretum declarat ac praescribit, nullibi licere in anniversario Dedicationis propriae Ecclesiae, Missam de Reqie, ne praesente quidem cadavere, decantare, quemadmodum in Patriarchali Archibasilica Lateranensi aliisque praestantioribus Urbis Ecclesiis semper cautum fuit. Non obstante Decreto diei 16 Aprilis 1853, in uua Ordinis Minorum s. Francisci de Observantia ad Dubium XX, quo Missa huiusmodi permissa fuerat. Atque ita declaravit ac servari mandavit die 27 Februarii 1882.