Circulares litterae dioecesanae anno 1882 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

I.

4

Nr. 465.

Prosynoda- lium examinum termini

Nr. 466.

Tabellae de motu populi explendae.

Nr. 467.

Mors qttatuor parochorum et concursus pro benificiis parochialibus quae ii tenuerunt, complendis.

Prosynodalium anno labente instituendorum examinum termini defiguntur in dies 10-am et 11-am Maii et item in dies 13-am et 14-am Septembris. Qui se pertentari .voluerint, circa hoc suum propositum praevie ad Officium Archi-Dioecesanum referre meminerint.

Strigonii, die 14-a Januarii, 1882.

Tabellas de motu populi in sufficienti numero ad singulum Distr. VADi- aconalem cum eo sub / dimitto, ut DD. Curati juxta inviationem ibidem contentam, et morem prioribus annis usitatum rubricas harum tabellarum conscientiose explere, pro filialibus vero ad distinctum a matre Comitatum aut districtum politicum pertinentibus deposta data statistics ad distinctam tabellam inserere, illasque subin mature sed certe ante finem mensis Martii a. c. respectivo judici nobilium aut consuli civitatis penes reversales consignare velint.

Strigonii, die 14-a Januarii, 1882.

Intercapedine non unius mensis quatuor parochi huius Archi-Dioecesis supremum diem obierunt, unus mense Decembri anni mox praeterlapsi, tres mense, qui decurrit. Sunt autem:

I. Joannes Blaskovics, Parochus Némethiensis in Comitatu Barsiensi, natus 24. Maii, 1799. Sacerdotio initiatus 29-a Junii 1822, qui 15-a dicti mensis, Sacramentis moribundorum rite provisus e marasmo senili decessit.

II. Franciscus Terstánszky, Parochus in Felsö-Szöllős, natus 23-a Aprilis, 1812. Presbyter factus 30 a Septemb. 1835. denatus 6 a curr. e repentino apoplexiae ictu, quin provideri Sacramentis potuerit.

III. Ludovicus Jankó, Parochus in Tölgyes natus 18-a Novembris 1821, ad Presbyteratum ordinatione promotus 24-a Aprilis 1846. E gravi morbo, quo jam in Parochia, Csifíár, cui antea praefuit, correptus erat, reconvalesqere non potuit, die 9-a curr. Sacramentis munitus obiit.

IV. Gabriel Láncz, Parochus in Soóshartyán, natus 7-a Martii 1808, in Presbyterum ordinatus 10-a Martii 1831, huius mensis die 10-a ad aeternitatem evocatus est, cui accidit, quod scriptum legimus in epistola ad Thessalonicenses prima nimirum, quod „dies Domini sicut fur in nocte, ita veniet.“ Repente enim et ipse exstinctus est.

Fieri nequit, ut hi casus in memoriam nobis non revocent haec Salvatoris verba: „Videte, vigilate, et orate; nescitis enim, quando tempus sit.M — Et iterum: „Vigilate ergo. Nescitis enim, quando Dominus domus veniet, sero, au media nocte, an galli cantu, an mane; ne cum venerit repente, inveniat vos dormientes. Quod autem vobis dico, omnibus dico: Vigilate.“ Quibus verbis cautos et vigiles, ac providos ad mortis adventum reddere nos voluit amator humanae salutis, Christus, Deus Noster.

Dum autem animas defunctorum fratrum piis ad aram suffragiis commendo, pro parochiis vacantibus: Némethi, Felsö-Szőllős, Tölgyes et Soóshartyán concursum usque finem futuri mensis Februarii duraturum publico.

Strigonii, die 14-a Januarii, 1882.