Circulares litterae dioecesanae anno 1882 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

XII.

57

XII.

Quemadmodum subnexae Apostolicae litterae perhibent, SSmus Dominus Noster religiosum ordinem Monachorum Basilianorum ritus rutheni in Gallicia reformandum suscepit disponendo : ut idem ordo deinceps immedieate S. Sedi Apostolicae subjiciatur, sitque sub cura s. Congregationis de Propaganda Fide, quatenus huius est negotia etiam Ecclesiarum, quae ritus orientales sequuntur, moderari; porro, ut pro dicto religioso Ordine erigatur unicus No vitiatus in Coenobio Dobromilensi, nec possint religiosam professionem valide emittere nisi illi candidati, qui novitiatum tyrociniumque religiosae vitae hoc in conventu exegerunt; item, ut in novitiatum recipi queant etiam candidati latini ritus, non tamen sacris jam ordinibus initiati; tandem, ut praedictum Coenobium, Dobromilense gubernandum tradatur Patribus e Societate Jesu, qui novitios et alumnos Basilianos educabunt, informabunt, instituentque. Quis est, qui laeto corde non precaretur, ut providis salutaribusque dispositionibus, optatus respondeat effectus.

Nr. 2578.

Reformationem Monachorum Basilianorum in Galicia decernentes Apostolicae Summi Pontificis litterae.

SANCTISSIMI DOMINI NOSTRI

LEONIS

DIVINA PROVIDENTIA

PAPAE XIII.

APOSTOLICAE LITTERAE

DE ORDINE S. BASILII M. RVTHENAE NATIONIS IN GALLICIA REFORMANDO.

LEO PP. XIII.

AD FUTURAM REI MEMORIAM.

Singulare praesidium et decus semper Ecclesia catholica sibi sensit accedere eorum hominum opera, qui christianam sanctitatis officiique perfectionem expetentes, humanis rebus generosa quadam alacritate dimissis, sese lesu Christo dicavissent. Qui etsi principio quidem semota a civitatibus loca liberius Deo vacaturi incolerent, rationemque aetatis degendae clericalium munerum expertem mallent, postea tamen, proximorum caritate et quandoque Episcoporum etiam auctoritate compulsi, in urbes concedere et sacerdotalium munerum officia suscipere non recusarunt. — Mirifice inter hos vel a primis Ecclesiae saeculis effulsit magnus ille Basilius Caesareae in Cappadocia Episcopus,