Circulares litterae dioecesanae anno 1882 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
IX.
46 Nr. 1900. Responsum S. Congrega-( tionis Indicis ad proposita de libris ab < eadem dimissis dubia. i Nr. 1901. Josephus Fe- niczy, Presbyter obiit. Nr. 1902. Pro parochi- ali beneScio in Nagyleho- ta concursus publicatur. Nr. 1903. Institutum artis sculpto- riae Groden- se commendatur. Heic S. Congregationi die 5. Decembris 1881. pro resolutione proposita fuere sequentia dubia: I. Utrum libri ad sacram Indicis Congregationem delati et ab Eadem dimissi seu non prohibiti, censeri debeant immunes ab omni errore contra fidem et mores. II. Et quatenus negative, utrum libri dimissi seu non prohibiti a sacra Indicis Congregatione, possint tum philosophice tum theologice citra temeritatis notam impugnari. Eadem Sacra Congregatio respondit: Ad I. Negative. Ad II. Affirmative. Datum Romae, die 28. Decembris 1881. , Strigonii, die 10-a Aprilis, 1882. Pensione e fundo instituti emeritorum parochorum etc donatus Archi-Dioecesis huius Presbyter, Josephus Feniczy in Veresegyháza Dioecesis Vaciensis die 2-a curr. mortuus est anuo aetatis 72 et Sacerdotii 48, cuius animam solitis ad aram suffragiis commendo. Strigonii, die 10-a Aprilis, 1882. Beneficium hoc per translationem vacat, quo qui potiri volunt, supplices suos usque finem futuri mensis Maii Officio Dioecesano exhibeant, i Strigonii, die 10-a Aprilis, 1882. Saepe accidit, quod DD. curati statuas sanctorum variaque utensilia et supel- lectilia lignea tam pro interiori ornatu Ecclesiae, quam pro usu liturgico requisita et 'destinata, uti sunt: arae, ambones, sedes confessionales, sepulchra Domini, listáé pro iconibus sacris, candelabra etc. pro sua Ecclesia comparare volentes ob defectum bonae famae artificum ad obvios quosque rei lignariae magistros semet convertere cogantur. Ex quo dein fit, quod per imperitos artifices Ecclesiae figuris distortis, et utensilibus omni externo decore destitutis, imo offendiculo potius quam aedificationi intuentium inservientibus repleantur et fiscus sacer exaggeratis non saepe ac inanibus expensis gravetur. Huic malo mederi intendit institutum artis sculptoriae in Groden in Tiroli erectum. Libenter itaque annuendum censui precibus a Ferdinando Demetz, moderatore hujus instituti, mihi in eo propositis, ut DD. Curatorum attentio ad illud ope Circularium Dioecesanarum provocetur. Qui itaque ex DD. Curatis uberius de hoc instituto instrui cupiunt, velint semet ad dictum moderatorem epistolariter convertere, qui partiale de singulis objectis sumptuum projectum mittet. Strigonii, die 11-a Aprilis 1882. Joannes Cardinalis Simor m. p. Archi-Episcopus.
