Circulares litterae dioecesanae anno 1881 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

I.

3

URBIS ET ORBIS.

DECLARATIO

Decreti diei 13. április 1878,

DE NON ADSCRIBENDIS AD PIAS SODALITATES ABSENTIBUS.

Quum fidelium piis sodalitatibus adscriptio per se actus sit religionis et pietatis adeo ut dies qua fidelis piae alicui Societati inscribitur plerumque a Sancta Sede Indulgentiis ditata sit, decet omnino ut ipsa inscriptio serio ac devote certo aliquo modo fiat ac debita forma. Quamquam vero ad hoc per se non requiratur necessario personalis praesentia, quum etiam gravissima negotia inter absentes per litteras vel interpositam personam perfici possint, tamen ipsa personalis praesentia ex generali regula iure exigitur, ut adscribendo- rum devotioni potius quam numero consulatur, ac pluribus abusibus via praecludatur. Generalis haec regula ab hac Sacra Congregatione in Americana Novi Regni Hispanici, die 28 április 1761 indicata, novissime decreto Urbis et Orbis, diei 13 április 1878, instau- rata est ac confirmata. Sed ea generatim in suo robore manente plures sane exceptiones locum habere possunt, vel ex peculiari Sodalitatum quarumdam constitutione quae sua natura exceptionem postulare videtur, vel ex specialibus quarumdam privilegiis, vel ex ex- trinsecis circumstantiis, vel ex benigna apostolica dispensatione: adeoque plures dubitationes, multoque plures petitiones pro favorabili exceptione ad hanc Sacram Indulgentiarum Congregationem delatae sunt. Quibus omnibus mature perpensis, Emmi Patres Sacris Indulgentiis praepositi in Congregatione generali habita in palatio apostolico Vaticano, die 14 Junii 1880, rescripserunt: Firmo remanente decreto diei 13 április 1878, dubiis et peth titionibus propositis providendum esse per appositam instructionem et dispositivam declarationem iuxta mentem panditam ab Emmis Patribus in ipsa Congregatione pro opportunis exceptionibus.

I. — Primo itaque juxta mentem Eminentissimorum Patrum distiguendum est inter Sodalitates pro universo orbe catholico, ac Sodalitates pro certa tantum Dioecesi vel regione canonice erectas, relate ad quas fideles, qui extra limites locali Sodalitati constitutos commorantur, absentes dicuntur, imo vero non simpliciter absentes, sed etiam extranei dici possunt. Huiusmodi locales Sodalitates, quemadmodum ex. gr. Confraternitas B. M. V. Guadalupensis, de qua sermo est in Americana Novi Regni Hispanici, in Confratres admittere nequeunt absentes extra limites Sodalitatis; atque hic primus est sensus memoratae resolutionis Sacrae Congregationis diei 28 april. 1761, atque hoc primum sensu adscriptio- nes absentium tum decreto Urbis et Orbis diei 13 april. 1878, tum praesenti Instructione irritae omnino generali lege sine ulla nova exceptione declarantur.

II. — Sodalitates etiam universales, relate ad quas nulli sunt primo hoc sensu absentes seu extranei, nequeunt in Confratres admittere simpliciter absentes ; scilicet requiritur ex jure adscribendorum personalis praesentia. At nullatenus mens fuit decreti eam restringere ad locum ubi Sodalitas canonice erecta propriam habet sedem ac centrum; sed sufficit adscribendorum praesentia coram quocumque, qui quocumque in loco delegatam vel subdelegatam legitime habeat adscribendi facultatem : non sufficit vero moralis, interpretálva vel repraesentativa praesentia per litteras aut alio quovis modo per interpositas etiam personas : atque hic alter est seusus quo adscriptiones absentium iuxta resolutiones