Circulares litterae dioecesanae anno 1881 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XVIII.
Ill XVIII. Appropinquante termino extraordinarii Jubilaei a Sancticfimo Domino Nostro Leone Papa XIII universo Catholico Orbi per Litteras — Militans lesu Christi Ecclesia — die XII superioris Martii indicti, plures locorum in Europa Ordinarii preces eidem Sanctissimo Domino obtulerunt, petentes ipsius Iubilaei prorogationem, eam praecipue ob causam ut sacris Ecclesiae ministris tempus suppeteret varias et inter se dissitas ac plerumque asperas Dioecesum regiones lustrandi, et fideles, praesertim agricolas, ad salutarem gratiam et remissionem consequendam fructumque Iubilaei percipiendum verbi Dei praedicatione atque spiritualibus exercitiis opportune excitandi. Quas quidem preces Sanctissimus Dominus benigne excipiens, huic Sacrae Poeni- tentiariae committere dignatus est ut locorum in Europa Ordinariis facultatem faceret prorogandi Iubilaeum usque ad diem octavum inclusive proximi mensis Decembris, Immaculatae Dieparae semper Virgini sacrum. Quare haec Sacra Poenitentiaria de expressa Apostolica auctoritate omnibus et singulis locorum in Europa Ordinariis facultatem concedit, qua praesens Iubilaeum in sua quisque Dioecesi et pro grege sibi commisso prorogare possint ac valeant usque ad diem octavum inclusive mensis Decembris vertentis anni, servata in reliquis omnibus forma ac tenore memoratarum Litterarum — Militans lesu Christi Ecclesia —; contrariis quibuscumque, etiam speciali mentione dignis, non obstantibus. Datum Romae in S. Poenitentiaria, die VII Septembris MDCCCLXXXI. Aloisius Card. BILiO P. M. Hippolytus Can. Palombi S. P. Secretarius. Vigore facultatis tenore praemissi decreti mihi concessae, promovendae salutis curae meae crediti fidelis populi studio incitatus terminum extraordinarii lubilaei prorogandum censui et hisce usque ad diem octavam mensis Decembris h. a. qua festum immaculatae Conceptionis B. M. V, recolitur, inclusive prorogo. Strigonii, die 25-a Septembris, 1881. Subnexi ministerialis rescripti origo inde repetenda est, quod quaesitum fuerit, utrum leges austriacae, 25 Maji 1868 publicatae, speciatim illae, quae de religiosa prolium e mixtis connubiis progenitarum educatione sonant, quaeve, ut notum est, a nostris eatenus rogatis legibus divergunt, in vigore sint, et maneant, quoad militares personas, quae apud legiones caes. et regii communis exercitus in Hungária stativantes, applicitae sunt, adeoque in Hungária commorantur, quin desierint esse indigenae provinciarum austria- carum ? Haec, inquam, quaestio resolvitur ope praelaudati ministerialis rescripti affirmative, cuius tenor sequens est, quodve pro directivo notitiae statu isthic communicatur : Nr. 4572. Super valore interconfes- sionalium legum austri- a^arum relate ad personas, in Hungária commorantes, sed p-oviuci- arum austria- carum indigenas editi ministerialis rescripti tenores pro notitia et directione communicantur Nr. 457L S. Poenitentiaria e decretum de prorogando extraordinario Iubilaeo.
