Circulares litterae dioecesanae anno 1880 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
X.
59 Sacra vero eadem congregatio audita sententia in scriptis alterius ex Apo- stolicarum Caeremoniarum Magistris, propositis Dubiis rescribendum censuit. Ad I. Ad primam quaestione n : Affirmative ad primam partem ; negative ad secundam. Ad secundam quaestionem : Negative ad primam partem, affirmative ad secundam. Ad. II. Negative ad primam partem ; affirmative ad secundam. Ad III. IV. Orator acquiescat editionibus rite approbatis. Atque ita rescripsit die 2i-a Aprilis 1873.“ B. BAMBERGEN, de danda benedictione cum Venerabili Sacramento. „Rmus D. Archiepiscopus Bambergen, exposuit etiam in Ecclesiis Fratrum Minoritarum sancti Francisci intra limites Archidioeceseos sibi commissae abruptam fuisse consuetudinem jam inde a tempore Lutheri invectam et huc usque servatam, benedicendi nempe Populo cum Ssmo Sacramento ante sacras functiones et in fine quoties exponitur : et cum Pyxide post ministratam sacram Synaxim. Quum vero id non sine Fidelium scandalo et Archiepiscopi moerore evenerit, Rmus ipse Archiepiscopus a Sacra Rituum Congregatione humiliter postulavit, ut Sacra Congregatio de praedicta consuetudine statuere vellet in Archidioecesi Bambergensi, quod de eadem statuit in Salisburgensi sub die 15-a Februarii anni vertentis, nimirum: Nihil esse innovandum. Sacra porro eadem Congregatio, audita sententia Rmi D. Laurentii Salvati ipsius sacrae Congregationis Assessoris rescripsit: Nihil esse innovandum quoad expositam consuetudinem in Ecclesiis Ordinis Minorum in Archidioecesi Bambergensi exi- stentium ac Rmus Archiepiscopus Bambergensis ex officio praesens Decretum Religiosis praefatis communicet, ut illud statim executioni mandetur. Atque ita rescripsit die 28-a Aprilis 1873.“ C. NANNFTEN. quo declaratur, cultum cordis S. Josephi ab Aplica Sede non esse approbatum. „Rme Domine uti Frater. Exposuit Amplitudo Tua huic sacrae Rituum Congregationi nonnullos pios viros, quibus cordi semper fuit Sanctum Beatae Mariae Virginis Sponsum specialibus cultus obsequiis honorare, id majori animi intentione facere coepisse postquam Sanctus Patriarcha a Ssmo D. N. Pio Papa IX. Catholicae Ecclesiae Patronus fuit declaratus. Inter alia vero, quae ad ipsius honorem excogitaverunt, obsequia, fuit sequens invocatio : „Cor Sancti Joseph purissimum ora pro nobis“, quam decantandam proponunt sive in festivitatibus S. Josephi, sive in supplicationibus ad ipsius honorem institutis. Quoniam vero Amplitudo Tua anceps haeret num haec invocatio permittenda sit, quippe quae, etsi a pia mente procedat, aliquid tamen novitatis praeseferre videatur, statuit rem submittere judicio Sanctae Sedis ; ideoque ab eadem S. R. C. humillime postulavit, num eadem invocatio permittenda sit in functionibus ecclesiasticis, exceptis tamen Missa et Officio. Sacra vero eadem Congregatio ad relationem subscripti Secretarii rescribendum censuit: Monendam esse per epistolam Amplitudinem Tuam cultum Cordis S. Josephi non esse ab Apostolica Sede approbatum. Dum autem id pro mei muneris ratione Amplitudini Tuae significo eidem diuturnam ex animo felicitatem adprecor. Amplitudinis Tuae Rmae, Die 14 Junii 1873. Uti Frater. Rmo Dno uti Fratri Episcopo Nannetensi.“ Budapestini, die 15-a Maii, 1880.
