Circulares litterae dioecesanae anno 1880 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
II.
12 inclytae Societatis Jesu adscitus, arduum perfectionis iter alacri animo arripuit, ac semet eximium praebuit exemplum bonorum operum, in doctrina, in integritate, in praedicatione verbi Dei. Nulli propterea parcens labori, ac plurimis obiectus impiorum calumniis atque insectationibus, tum in Gallia, tum in Anglia pene innumeras Christo animas lucrifecit. Dignus sane, quem Deus Beatae Margaritae Mariae Alacoque non solum ducem in via perfectionis dederit, sed praesertim in propagando cultu erga Sanctissimum Cor Jesu hortatorem mirificum. Haec fama sanctitatis, caelestium charismatum neque non prodigiorum, quae sui Famuli intercessione a Deo patrata ferebantur, eo demortuo nedum non intercidit, sed etiam in dies magis excrevit, ac post duo circiter saecula adeo vivida atque integra perseverat, ut Reverendissimum Episcopum Augustodunensem ad Ordinariam Inquisitionem super eisdem instituendam permoverit. Qua rite expleta, atque ad Sacram Rituum Congregationem delata. Sanctissimus Dominus Noster LEO PAPA XIII. benigne indulsit, ut dubium Signaturae Commissionis Introductionis Causae praedicti Servi Dei P. Claudii La Colombiére ageretur in Congregatione Sacrorum Rituum ordinaria absque interventu et voto Consultorum, licet nondum elapso decennio a die praesentationis processuum in Actis eiusdem Sacrae Congregationis, neque ipsius Servi Dei scriptis adhuc perquisitis et examinatis. Quapropter Emus et Rmus Cardinalis Miecislaus Ledochowski, huius Causae Relator, instante Rev. P. Augusto Negroni, Sacerdote e Societate Jesu, eiusdem Causae Postulatore, attentisque postulatoriis literis plurium Emmorum Sanctae Romanae Ecclesiae Cardinalium,Rssimorum sacrorum Antistitum, aliorumque virorum, tam ecclesiastica quam civili dignitate illustrium, in ordinariis Sacrorum Rituum Comitiis, hodierna die ad Vaticanum coadunatis, sequens dubium discutiendum proposuit, nimirum : „An sit signanda Commissio Introductionis Causae in casu et ad effectum,de quo agitur?“ Et Sacra eadem Congregatio, omnibus maturo examine perpensis, auditoque voce et scripto R. P. D. Laurentio Salvati, Sanctae Fidei Promotore, resoribendum censuit: „Affirmative, seu signandam esse Commissionem, si Sanctissimo placuerit.* Die 18. Decembris, 1879. Facta postmodum de praemissis per infrascriptum Secretarium Sanctissimo Domino Nostro LEONI PaPAE XIII. fideli relatione, Sanctitas Sua sententiam Sacrae Con gregationis ratam habuit et confirmavit; propriaque manu signavit Commissionem Introductionis Causae Ven. Servi Dei P. Claudii La Colombiére praedicti die 8 Januarii. D. CARDINALIS BARTOLINIUS S. K. C. Praefectus. Placidus Ralli S. R. C. Secretarius. Loco f Sigilli. Strigonii, die 18-a Januarii, 1880. Nr. 652. Pro vacante parochiali beneficio in Kisoroszi concursus publicaturGeorgio Ulmer, ad vacantem parochiam Visegrádensem translato, parochiale beneficium Kisorosziense in canonicam recidit vacantiam, pro quo, qui competere voluerint, supplices suos usque finem futuri mensis Februarii horsum exhibeant. Strigonii, die 18-a Januarii, 1880.
