Circulares litterae dioecesanae anno 1879. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XXI.
126 me. Joannem Baptistam de Rubeis Nonis Martii anno MDCCCLIX beatitatis gloriam promeruisse solemniter pronunciavit. Dominica autem V. post Pascha insequentis anni beati- ficationis ejus solemnitas celebrata est. Brevibus vero diebus post hujusmodi festum Beati Joannis Baptistae nomen novis planeque mirificis prodigiis Deus illustravit, ita quodammodo ostendens efficaciam suffragiorum ad impetrandam corporum valetudinem illius, qui in vita sua totus fuerat in procuranda animarum salute. Duo itaque praeclara miracula Beato Joanne Baptista intercedente patrata Sacrae Rituum Congregationis examini a Postulatoribus proposita, discussa primo fuere in ante- praeparatorio conventu penes Rmum Cardinalem Miecislaum Ledochowski, Causae Relato rem decimo kalendas Martii anno MDCCCLXXVII; secundo in praeparatoriis comitiis quarto decimo kalendas Februarii hoc anno MDCCCLXXIX in apostolico Vaticano Palatio ante Rmos Cardinales, Sacris Ritibus tuendis praepositos; tertio tandem in generali Congregatione eodem anno decimo tertio kalendas Julii coram Sanctissimo Domino Nostro Leone Papa XIII. in Vaticano habita, in qua Rmus Cardinalis Relator dubium proposuit: „An, et de quibus Miraculis constet in casu et ad effectum, de quo agitur?“ Singuli autem, quotquot aderant tum Patres Consultores, tum Reverendissimi Cardinales unanime ediderunt suffragium. His vero auditis, Sanctissimus Dominus Noster juxta piissimum Romanorum Pontificum morem, antequam suam pronunciaret sententiam, attenta negotii gravitate, hortatus omnes enixe est, ut superni luminis et consilii opem a Deo implorarent. Re autem mature perpensa, fervidisque iteratis precibus, supremum ac definitivum Decretum proferre statuit. Hac itaque die, Dominica scilicet tertia sacri Adventus, postquam divinam Hostiam obtulit in privato Pontificio Sacello, ad suam Vaticanam nobiliorem aulam pergens, solio sedit et ad se accitis Rmo Card. Dominico Bartolini, Sacrorum Rituum Congregationi Praefecto et Rmo Card. Miecislao Ledochowski, Causae Relatore, simulque R. P. Laurentio Salvati, S. Fidei Promotore, meque infrascripto Secretario, iisque adstantibus solemniter declaravit: „Constare de duobus Miraculis in secundo genere a Deo patratis intercessore Beato Joanne Baptista de Rubeis, nimirum de primo: Instantaneae perfectae- que sanationis Mariae Sartori, a tumore encephaloideo ventriculi cum immediata corporis habitus et jamdiu exstinctae lactis secretionis restitutione; de altero vero : Instantaneae per- fectaeque sanationis Sor. Mariae Theresiae Leonori, a fungositate scirrhosa tonsillarum cum discrasia exulcerativa universali. Hoc autem Decretum publici juris fieri, et in Sacrorum Rituum Congregationis Acta referri mandavit. Die XIV Decembris MDCCCLXXIX. Loco f Sigilli. D. Card. BARTOLINIUS S. R. C. Praefectus. Placidus Ralli S. R. C. Secretarius.“ Strigonii, die 28-a Decembris, 1879. Nr. 5721 Parochia in Csári et Kis oroszi publi catur. ' Michaele Dopjera, Parocho Csáriensi ad beneficium parochiale in Kuti, et Geor -gio Ulmer, Parocho Kisorosziensi ad Parochiam Oppidi Visegrád translatis, parochiae in Csári et Kisoroszi in canonicam vacantiam reciderunt, pro quibus competere volentes
