Circulares litterae dioecesanae anno 1878 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
X.
46 Ex allocutione Sanctissimi Domini intelligimus, quare idem delatum sibi semper quidem, sed nostro cumprimis tempore gravissimum onus Summi Pontificatus subire non recusaverit, quid porro Cardinales ab ipso opperiri possint ac debeant, qualem se tandem in Summo Pontificatu exhibiturus sit. Eadem itidem allocutio nos docet, quod Summus Pontifex nuper electus, Hierarchiáé Episcopalis in Scotia restaurationem, quam Pius IX. sollicite praeparavit, sed morte praeventus consummare non potuit, ad exitum feliciter perduxerit, repristinando seu potius de novo erigendo Arcbi-Episcopalem Metropolitanamque Sedem S.-Andreae et Edimburgi, porro Sedem Archi-Episcopalem honoris dumtaxat causa Glasguensem, Episcopales item Sedes: Aberdonensem, Dunkeldensem, Candidae Casae seu Gallovidianam, nec non Ergadensem et Insularum, qua super repristinatione sive erectione apostolicas Litteras IV. Nonas Martias h. a. Summus Pontifex expediendas jussit. Quod Beatissimus Pater praesentibus in Consistorio Cardinalibus commendavit, faciamus etiam nos, obsecremus nimirum Deum, ut Summo Pontifici, quem nuper elegit in ordine Episcopatus, jugiter praesens bonusque adsit, consilia, actusque eius feliciter disponat, ac tandem Petri navim, quam ipsi gubernandam mari saeviente commisit, domitis ventis, fluctibusque compositis, ad optatum portum tranquillitatis et pacis adducat. Strigonii, die 1-a Aprilis, 1878. Nr. 1641. Stanislaus Brez&nszky obiit. Concursus pro parochia Závada- ensi. Stanislaus Brezánszky, Parochus Závadaensis, post devotissime suscepta moribundorum Sacramenta die 17-a Martii, a. lab. pie, ut vixit, in Domino obiit, annum aetatis 'agens 41-um, e quibus 17 ministerio Altaris sacravit. Qui ut refrigerii sedem, quietis bea- titudinem et luminis claritatem consequi a Domino mereatur, fine hoc animam eius piae Vestrae ad aram memoriae devoveo, pro beneficio autem parochiali, quod vacans post se reliquit, concursum, usque 15-am futuri mensis Maji duraturum, liisce publico. Strigonii, die 2-a Aprilis, 1878. Nr. 1642. Obitus Jose- phi Bartus et concursus pro vacante parochia in Egy- házkarcsa. Dies 18-a praeterlapsi mensis Martii postrema illuxit Josepho Bartus, Parocho Egyházkarcsaensi, qui eadem die mane e domo Dei, ubi S. Missae Sacrificium divinae Majestati devota mente obtulit, pleno corporis vigore, ac proin nil mali ominans ad sua reversus, mox ictu apoplectico prostratus post brevissimum temporis spatium vivere desiit, anno aetatis 67, sacerdotii autem 44-o. Cujus animam, ut ad perpetuae beatitudiuis consortium quantocyus pervenire mereatur, piis Vestris ad aram suffragiis commendo, parochiam autem, cui in vivis praefuit, concursui, usque 30-am Maji, a. h. duraturo, ope praesentium expono. Strigonii, die 2-a Aprilis, 1878. Nr. 1643. Mors Joannis Pavelka, et concursus pro beneficio paro- chiali in Pe- trovilla. Joannes Pavelka Distr. Sasvár Ord. VADiaconus et Parochus Petrovillaensis post admodum brevem, tres nimirum dies durantem infirmitatem, Sacramentis Ecclesiae rite munitus, die 23-a Martii, a. curr. animam Creatori reddidit, annos natus 70, e quibus 48 in sacerdotio complevit. Cujus anima, ut a contagiis mortalitatis exuta, quantocyus paradisi perfruatur gloria, id Vos a Domino sacra facientes exoperamini ; quod autem ad beneficium parochiale, quod idem vita comite tenuit, adtinet, pro hoc concursum, usque 30-am Maji, a. lab. duraturum, liisce publico. Strigonii, die 2-a Aprilis, 1878. Joannes Cardinalis Simor m. p. Archi-Episcopus.
