Circulares litterae dioecesanae anno 1877 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XIX.
133 XIX Apostolicae eatenus editae Litterae sic sonant: „PIUS PP. IX. Ad perpetuam rei memoriam. Quod, suadente spiritu gratiae et precum, initum in dioecesi Lucana a non- » rutillis Christi fidelibus pio quodam societatis foedere devinctis institutum agendi semi- ' hora öxeuntis et semihora exorientis anni Sacrosanctae et individuae Trinitati gratias ob accfepta beneficia novaque pro Christianarum gentium pace, Christianorum Principum concordia, pro peccatorum conversione ac denique pro Sanctae Matris Ecclesiae ei usque visibilis Capitis Romani Pontificis exaltatione a divina Bonitate deposcendi a plurimis Christi fidelibus receptum, variis diversisque locis, uti Nobis relatum est, peragitur; movit non unum aut alterum, sed bene multos sacrorum Antistites, ut universis fidelibus, ex pio instituto antedicto orantibus, coelestium munerum thesauros recludere de benignitate Apostolica dignaremur. Nos ad augendam fidelium religionem animarumque salutem coelestibus Ecclesiae thesauris pia charitate intenti, ut quisquis ad Dei voluntatem. ex quo omnia, per quem et in quo sunt omnia, vitam ducere satagat, ascensiones ad eum in corde suo in dies disponat, piis huiusmodi votis annuere volentes, de Omnipotentis Dei misericordia ac BB. Petri et Pauli Apostolorum eius auctoritate confisi, omnibus et singulis utriusque sexus Christi fidelibus, corde saltem contritis, qui praefato temporis spatio pium exercitium, de quo a Nobis habita mentio est, peregerint, qua vice id perfecerint, septem annos de iniunctis eis, seu alias quomodolibet debitis poenitentiis in forma Ecclesiae consueta relaxamus. Quae poenitentiarum relaxationes, ut etiam animabus Christi fidelium, quae Deo in charitate coniunctae ab hac luce migrarunt, per modum suffragii applicari possint, misericorditer in Domino indul- gemus. In contrarium facientibus non obstautibus quibuscumque. Praesentibus perpetuis futuris temporibus valituris. Volumus autem, ut praesentium Litterarum transumptis, seu exemplis etiam impressis, manu alicuius Notarii publici subscriptis, et sigillo personae in Ecclesiastica dignitate constitutae munitis, eadem prorsus adhibeatur fides, quae adhiberetur ipsis praesentibus, si forent exhibitae vel ostensae. Denique praecipimus, ut earumdem praesentium Litterarum (quod nisi fiat nullas easdem esse volumus) exemplar ad Secretarial» Congregationis, Indulgentiis sacrisque Reliquiis praepositae, deferatur iuxta decretum, ab eadem Congregatione die XIX Januarii MDCCLVI latum, et a sacrae memoriae Benedicto XIV Praedecessore Nostro die XXVIII dicti mensis et anni adprobatum. Datum Romae apud S. Petrum sub Annulo Piscatoris die V Decembris MDCCCLXXVI. Pontificatus Nostri anno trigesimoprimo. Nr. 54Ö0. i ndulgentiae concessae in fine labentis ac in principio renascentis nnni in oratione perseverantibus.
