Circulares litterae dioecesanae anno 1877 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XII.
100 Nr. 3125. Novi Arclii- dioecesis Presbyteri„Plurimum Reverende Domine! Templum nostrum, B. Mariae V. antiquitus sacrum, temporis iniquitate fere to- tum Catholicis ereptum, primo mane V. Cal; Januar. 1876. flammis obrutum fuit. Sanctissimum, ara exigua, aliqua paramenta vetera vix servata. Nunc loco angustiori profano Sacrum celebratur. Novum templum Immacul. Virgini sacrandum, nonnisi plurimis catholicis eleemosynas, superflua ditiorum et numulum pauperum, in conspectu Domini pretiosum, contribuentibus reaedificari potest; nam catholici nos 550, vicis tribus dispersi, pauperes opifices, ruricolaeque sumus, parocho ipso beneficio pauperrimo fruente. Sed proh dolor! Germania catholica undique pressa ingemiscit persecutionibus afflicta! sexcenti sacerdotes aut majore egestate pressi aut patria expulsi! Reverentia vero Vestra et oves Gregis Dominici Vobis commissi estis catholici, cultores Virginis Immacul. Templo Vestro multo ditiores nobis facti. Eja, succurrite nobis eleemosynis Vestris, B. Virgo retribuet beneficentiam, quippe quae nos pauperes ad Vos mittit clamore valido auxilium petentes. Velit Rev. Vestra hunc clamorem Vestris inter Sacrum Dominicae annuntiare, et si vidua una numulum istum Dominicum dabit, B. Virgo multiplicabit istum promissionis causa, quam habet a Domino. Succurrite nobis, nam si Templum B. Virginis sacratum fuerit a Nostro Episcopo Guilelmo Emmanuele, quotannis Sacrum solemne die B. M. auxilii Christianorum invocatae in sempiterna tempora pro cunctis benefactoribus nostris applicando celebrabitui’. Ne rejiciant nos Rev. Vestra Vestrique, nam venimus ad Vos in nomine Mariae. Jacobi, parochus.“ Indigentia commissi sibi gregis, miserumque statum, in quem conjectus est pastor et grex, tam clare exposuit supplicans, zelo domus Dei percitus Parochus, ut de illis plura facere verba haud oporteat. Restat, ut supplicantis preces exaudiantur. Symbolae, scopo hoc conferendae, ad Canceilariam meam transponantur, quae suo tempore publicabuntur. Strigonii, die 2-a Julii, 1877. Dominica VI. post Pentecosten, in diem 1-am curr. incidente, ministerio manuum mearum S. Presbyteratus Ordine ad titulum huius Archi-Dioecesis initiati sunt: Joannes Bakics. Joannes Blaskó, Josephus Horváth. Aloysius Jurácsek. Carolus Orel. Stephanus Pukancsik. Romanus Reindl. Josephus Varga. Strigonii, die 2-a Julii, 1877. Joannes Cardinalis Simor m. p. Archi-Episcopus.
