Circulares litterae dioecesanae anno 1876 ad clerum archi-dioecesis strigoniensis dimissae a principe primate regni Hungariae et archi-episcopo Joanne Cardinale Simor
XVIII.
86 vite vinum, et non potius variis heterogeneis mixta sint materiis, adeoque eodem ad consecrationem adhibito, nec Sacramenti valori, nec sacrosancti Sacrificii integritati, quantum oportet consulatur, hortamur imprimis omnes, ut serio secum studioseque cogitent, quanti res coram Deo momenti sit, quamque merito sibi quisque religioni ducere debeat, toties non vano sese periculo exponere consecrationis invalidae, mutilique sacrificii, quoties id vini genus adhibetur, ac nulla quidem necessitate, cum vini quoque rhenani copia sit, de cuius puritate similis dubitandi ratio non est, Atque haec nobiscum, ut par est, considerantes, ac si ulla alia in re, vel maxime hic dimittendum incertum, certum tenendum rati, dicti vini gallici usum in sacrosanctis Missae Sacrificiis ab omnibus dioeceseos nostrae ecclesiis publico hoc nostro interdicto proscriptum in perpetuum volumus, ac tale vini genus adhiberi praecipimus, cuius requisita a Christo puritas ac probitas in prudens vocari dubium non potest. “ Sed nec deinceps cessaverunt Praesules Ecclesiarum suis tam monitis, quam decretis id efficere, ut in Sacramento hoc conficiendo et Sacrificio offerendo non adhibeatur, nisi materia sine dubio apta et sufficiens, qualem leges Ecclesiae et rubricae Mis- salis requirunt, hacque ratione omne illud sollicite caveatur, quod validitati vel dignitati tanti sacramenti et sacrificii repugnat, ac illud imprimis, quod notat Conci na1) his verbis: „Heine collige, quam sint lugendi tot Ecclesiarum, Parochorum, Superiorum, et Praelatorum abusus in hoc negotio. Alicubi hostiae emuntur ab uxoratis mulierculis in communi coquina inter ollas et lebetes concoctae, alibi ex communi farina hostiae conficiuntur tanta socordia et negligentia, ut maiori studio epulae pro communi mensa praeparentur.“ Itaque in Dioecesi Eystettensi statutum legimus2): „ut hostiae a persona honesta et fideli atque a Decano approbata pistae-------adhibeantur et a securo internuntio in vas e conveniente et mundo asportatae loco congruo et sicco asserventur. Similiter vinum a fideli oenopola ematur, et per securum bajulum adferatur.“ Inter statuta Dioecesis Leodi- ensis a. 1851. promulgata sequens occurrit3): „Quum contigerit, ut in locis vicinis succus non ex uvis, sed ex aliis fructibus expressus, ita spiritualibus vini partibus infusus fuerit, ut odoratu atque gustu decepto pro Mosellano et Rhenano usurparetur, volumus, ut presbyteri atque alii, qui ad Missae Sacrificium ecclesiis vinum subministrant, summo studio ab ista fraude sibi caveant, et tanta in re vitandi periculi causa, illa quantum fieri potest vini species in Sacrificio adhibeatur, in qua fraus committi non potest. Ea de causa non ematur vinum, nisi a vinariis timoratis, qui semper praemonendi sunt de usu, ad quem destinatur. — Pariter compertum est, multiplicem hodiedum in farinis vendendis fraudem committi ita, ut farinis triticeis aliae in notabili, imo majore quantitate quandoque misceantur, unde sedulo advigila ndum est, ut panis Sacrificio destinatus non ematur, nisi a personis probatae fidei, quae non farinam, sed triticum, idque purissimum emant, tra- dantque molendum antiquae probitatis viro.“ Synodus Provincialis W estmonasteriensis 1. 1852. celebrata, hac de re decrevit 4): „Ut omne dubium de materia Sacramenti removeatur, non cuilibet permittendum, ut hostias consecrandas conficiat, sed personis fiducia dignis, et si placet, monialibus hoc *) Theolog. Dogmatico-Moralis t. 8. Dissert. 1.— *) Instr. Past. Raym. Ant. Episcopi iterum vulgata Eystadii 1854. — s) Tit. VIII. de Sacrii. Missae.— *) V. Acta et Decreta Parisiis edita 1853.
