Circulares litterae dioecesanae anno 1876 ad clerum archi-dioecesis strigoniensis dimissae a principe primate regni Hungariae et archi-episcopo Joanne Cardinale Simor
IV.
25 Stephanus Almásy, parochus Sellyensis die 20-a Februarii, a. h. post pie suscepta moribundorum Sacramenta ad aeternitatem evocatus est. Vixit annos 70, in sacerdotio 42. Dum animam ejus piis Vestris suffragiis commendo, simul pro parochiali, quod tenuit, beneficio concursum, usque 20-am futuri mensis Aprilis a. h. duraturum, hisce publico. Strigonii, die 7-a Martii, 1876. Nr. 1386. Obitus Stephani Almásy. Concursus pro vacante parochia SellyensL Banna seu denunciationes luturarum nuptiarum in primaeva jam Ecclesia locum habuisse, innuere videtur S. Ignatius M., qui asserit, fideles inconsulto Episcopo matrimonium non contraxisse; scribit enim *) „decet, ut sponsi et sponsae de sententia Episcopi conjugium faciant.0 Neque dubitare licet, nunquam in Ecclesia ad matrimonium contrahendum admissos fuisse fideles illos, qui impedimento sive juris naturalis, sive divini innodati fuerint; cumque mox alia etiam impedimenta statui coeperint, quis ambigat, Episcopos impositam sibi vidisse obligationem, inquirendi modo quopiam in existentiam impedimentorum, sicque cavendi, ne illicita, et multo magis ne invalida mirentur connubia. Quidquid vero de his sit, quoad formam praesentem Banna seu denunciationes matrimoniorum pro universa Ecclesia praescripsit Concilium Lateranense IV; 2) cuius decretum renovavit Concilium Tridentinum 3), quod „Sacri Lateranensis Concilii sub Inno- centio III. celebrati vestigiis inhaerens praecipit, ut in posterum, antequam matrimonium contrahatur, ter a proprio contrahentium parocho, tribus continuis diebus festivis in Ecclesia inter Missarum solemnia publice denuncietur, inter quos matrimoninm sit contrahendum.“ Finis autem legis bannorum est, ut praepedirentur matrimonia clandestina, porro, ut fideles praemoniti, Dei benedictionem in sponsos implorarent, praecipue autem, ut detegerentur matrimonii, si quae forent, impedimenta. Jam sicut non licet Conciliorum Generalium decreta, statutorumque Dioecesa- norum eatenus vigentium praescriptiones violando desponsos ante peractas omnes tres denunciationes matrimonialiter copulare: ita illicitum est, desponsos, aut utrumque, aut alterutrum ad aliam parochiam copulandos dimittere ante omnes tres plene superatas proclamationes, vel ante obtentam et prae manibus habitam, si quae apud Ordinariatmn sollicitabatur, in bannis dispensationem. Consuetudo igitur, quae hinc inde in hac Archi- Dioecesi irrepsit, matrimonialiter copulandi desponsos expetita, sed nondum expedita et accepta dispensatione, aut illos ad aliam parochiam ante seu peractas omnes denunciationes, seu exhibitam dispensationem dimittendi, consuetudo inquam haec corruptela potius est et abusus, eo minus tolerandus, quod adversetur praecipuo bannorum praescriptorum fini, qui est detectio subversantis cuiuspiam impedimenti. Unde enim novit Parochus, qui pa- rochianum suum alio copulandum dimittit, quod post tertiam promulgationem non sit aliquod impedimentum detegendum aut denunciandum ? quod si accideret, an non ipsi imputari jure posset, quod Ecclesiae legem non ad amussim, prout oportebat, observando matrimonium invalidum coaluerit? In Rituali namque Romano et etiam Archi-Dioecesano Nr. 1387. Sponsis dimissio non est danda, nisi plena peractis tribus denuneia- tionibus. 1) Epist. ad S. Polyc. M. — 2) v. lib. IV. Decretal, t. 3. Cap. Cum inhibitio III. de eland, desp. — 3) sess. XXIV. c. 1. de reform, matr.
