Circulares litterae dioecesanae anno 1875 ad clerum archi-dioecesis strigoniensis dimissae a principe primate regni Hungariae et archi-episcopo Joanne Cardinale Simor
VIII.
72 Nr. 2301. Resolutiones dubiorum S. Poenitentiari- ae circa Jubilaeum propositorum. jutrice, quam Nobis in regenda Archi-Dioecesi fideliter, sapienter, ac diu impendit, opera, proque exantlatis hoc in munere laboribus ac fatigiis gratias, quas possumus, habemus ac agimus maximas, cui vel a tirocinio vitae nostrae clericalis multis titulis obstrictos Nos sentimus ac libenter profitemur. Strigonii, die 28-a Maii, 1875. In calce pastoralium de Jubilaeo 4. Febr. h. a. Nr. 621 editarum litterarum publicavi declarationem a S. Poenitentiaria editam super dubiis sive quaestionibus, quas quidam Ordinarii locorum de Jubilaeo enodandas proposuerunt. Post editam hanc declarationem alia insuper dubia eidem S. Poenitentiariae eodemque scopo substrata fuere. Cum plurimum intersit, ut datae resolutiones omnibus DD. Curatis innotescant, illae una cum propositis dubiis heic apponuntur: I. An inter Ecclesias visitandas recenseri possint Oratoria publica? R. Affirmative, dummodo ipsa Oratoria sint publico cultui addicta, et in iis soleat Missa celebrari. II. An ad distinguendas numero visitationes necesse sit, et sufficiat, ut fideles egrediantur, et rursus in eamdem statutam Ecclesiam ingrediantur? R. Affirmative. III. An Ordinarius loco Ecclesiarum visitandarum possit designare diversa eiusdem Ecclesiae Altaria aut Cruces per agros erectas, sive erigendas? R. Standum esse Encyclicae ,, Gravibus Ecclesiae“ et Literis Poenitentiariae diei 25. Januarii 1875. IV. An tempore paschali unica Communio et unica Confessio sufficiat pro lucrando Jubilaeo ? R. Ad lucrandum Jubilaeum requiri confessionem et communionem distinctam a confessione et communione paschali. V. An fideles, qui comitantur aut sequuntur Capitula, Congregationes et Confra- ternitates processionaliter pro lucrando Jubilaeo Ecclesias visitantes, gaudeant induito eisdem Capitulis et Congregationibus concesso? R. S. Poenitentiaria, consideratis expositis, de speciali et expressa Apostolica Auctoritate respondet: Fidelibus cum Capitidis, Con fraternitatibus, Congregationibus etc. seu cum proprio Parocho aut alio Sacerdote ab eo deputato Ecclesias, pro lucrando Jubilaeo, processionaliter visitantibus applicari posse ab Ordinariis Indultum in Literis Aposto- licis eisdem Congregationibus et Capitulis concessum. VI. Aliis in Jubilaeis concedi solet facultas commutandi vota dispensando; in praesenti vero conceditur tantum facultas ea commutandi; intelligi-ne potest etiam in hoc casu concessam fuisse facultatem vota commutandi dispensando? R. Negative. VII. In Literis Apostolicis conceditur facultas dispensandi super praescriptis ad Ecclesias visitationibus peragendis cum infirmis, in carcere aut captivitate existentibus, vel aliqua corporis infirmitate, seu alio quocumque impedimento detentis; quaeritur nuru ad hunc effectum legitimo impedimento detenti habendi sint ruricolae, quorum viculi procul a quacumque Ecclesia distant?
