Circulares litterae dioecesanae anno 1874 ad clerum archi-dioecesis strigoniensis dimissae a principe primate regni Hungariae et archi-episcopo Joanne Cardinale Simor

XXIV.

117

Incensum istud: a Te benedictum, ascendat ad Te Domine: et descendat super nos misericordia Tua. Gloria Patri. Sicut erat.

(Incensatione peracta Officians stans coram imagine Crucifixi prosequitur cantando:) Dominus vobiscum. jk. Et cum Spiritu tuo.

Oremus.

Visita, quaesumus Domine, habitationem istam, et omnes insidias inimici ab ea longe repelle: Angeli Tui Sancti habitent in ea, qui omnes hic habitantes, docentes et discentes in pace custodiant et benedictio Tua super illos sit semper.

Benefdic Domine, domum istam, et sit ibi sanitas, sanctitas, virtus et gloria, humilitas, bonitas, mansuetudo, lenitas, docilitas et plenitudo legis, obedientia et gratiarum actio Deo Patri et Filio et Spiritui Sancto. Et haec benedictio sit super hanc domum et locum istum, atque super omnes habitantes, docentes et discentes in ea descendat septiformis gratia Spiritus Sancti. Per Christum Dominum Nostrum, jk. Arnen.

(Officians nunc affigit s. crucis imaginem super limen ostii, vel in alio apto loco cubiculi dicens:)

Signum salutis impone Domine super hanc domum et non permittas introire in eam Angelum percutientem. In nomine f Patris et Filii et Spiritus Sancti, jfc. Amen.

(Versus crucem:)

Oremus.

Omnipotens, Sempiterne Deus, qui in omni loco dominationis Tuae totus assistis, totus operaris: adesto supplicationibus nostris, ut hujus domus sis protector, et nulla hic nequitia contrariae potestatis obsistat, sed in virtute sanctae crucis et operatione Spiritus Sancti fiat Tibi hic purum servitium, et devota de omni malo libertas existat. Per Christum Dominum Nostrum, jk. Arnen.

Oremus.

Adesto nobis Domine Dens noster; et eos, qui in sanctae crucis praesidio confidunt, perpetuis defende auxiliis. Per Christum Dominum Nostrum, jk. Amen.

(Hac oratione finita Officians benedicit cubiculum et praesentes producens manu dextera signum crucis et cantans:)

Benedictio Dei omnipotentis f Patris et Filii et Spiritus Sancti descendat super hanc domum, super omnes habitantes, docentes et discentes in ea, super nos omnes et maneat semper.

jk. Arnen.

(Posthac pro libitu dirigatur brevis allocutio ad scholares, ludimagistrum et parentes.)

His finitis reditus sub cantu juventutis et pulsu Campanarum processionaliter fit ad Ecclesiam, ubi cantatur „Te Deu m laudamus“ et collecta consueta pro gratiarum actione.

Strigonii, die 2-a Decembris, 1874.