Circulares litterae dioecesanae anno 1871. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
XVII.
69 ensi Typis Academiae Arcki-Episcopalis die 24-ta Mensis Octobris A. D. 1682. Ex Mandato nostro Spirituali etc. Georgius Szelepchény, Metrop. Strig. Archi-Episcopus, Primas Hungáriáé. Hoc praemisso Decreto, quo nullum clarius, nullum apertius fidem et convictionem Hungarorum de proposita doctrina exprimit, reliqua jam testimonia, qvantum fieri potuit, ordine chronologico disposita, sequuntur: Capitulum Budense anno 1253. ad s. Sedem Romanam sic scribit: „Ad S. Romanam Ecclesiam in omnibus articulis necessitatum, tamquam ad portum tutissimum, et matrem quantocyus est concurrendum, ut eius uberibus nutriantur, quia non potest matris filius uteri sui oblivisci.“ — Péterfy, Concilia Hung. T. 1. pag. 126. ed. Poson. 1741. Ladislaus Cumanus Rex Hungáriáé anno 1279. kal. Julii ad fideles scribens, de Sede Romana ait: „Divinae visitationis effectum, quo sanctae matris Ecclesiae visceribus adunia- mur, lumine cath. fidei illustrati in progenitore nostro S. Stepbano rege sacrosanctam Romanam Ecclesiam recognoscimus, ut debemus. Et ut principatum fidei in sacrosancta Ecclesia Romana consistere, eandem Cbristi tbalamum et Trinitatis hospitium luculentius demonstraret,non a se, vel ab alio,sed ab eadem Romana Ecclesia, matre omnium et magistra regni diadema meruit obtinere, ut ab ea, quasi quodam capite principali dona sua in omne corpus diffunderet lux divina, et exsortem ministerii se intelligeret esse divini, qui a Petri soliditate recederet.“ — Péterffy, concilia Huung. T. I. pag. 63. Pelbartus de Temesvár, Ordin. S. Francisci, vir doctissimus et a Trithe- mio ad finem saeculi 15-ti laudatus, plurium operum scriptor, in Opere „Aureum sacrae theologiae Rosarium“ Romanum Pontificem concilio superiorem, et infallibilem esse, juxta mentem S. Thomae Aquinatis propugnat,ad—„Commentaria“— super Thomam provocando. Edicio Brixiensis, Part. II. de Ordine, pag. 230. Frater Hungarus, Quardianus Conventus Franciscanorum Pestinensis, in Qua- dragesimali Anno 1507. impresso sermone XXX. de Ecclesiae Romanae principalitate et stabilitate prolocutus, haec dicit: „Tertio in quibus praedicta probem ratione exauditionis, praesupposito, quod Christus fuit exauditus in oratione juxta illud Joannis XI., quando dixit Christus: Ego autem sciebam: quia semper me audis: propterea gratias ago tibi: quoniam exaudisti me. Sed Christus oravit pro Petro: ut non deficiat fides sua, dicens Luc. XXII. Petre, ego rogavi pro te, ut non deficiat fides tua, tu aliquando conversus, confirma fratres tuos, ergo fides Petri in Ecclesia Romana usque ad finem mundi non deficiet, ubi corpus beati Petri requiescit. . . . Tertio Romanam Ecclesiam probemus omnibus principaliorem ratione durationis; nam a Cbristi tempore semper perduravit in soliditate verae fidei, non sic ecclesia Constantinopolitana, quae diversas haereses condidit.“ Gregorius Coelius ex illustri gente Bánfyana, Ordinis Eremitarum S. Pauli Presbyter, in epistola ad Gregorium Simontornyemsem, ipsum ad apostasiam a fide sollicitantem, 5. Idus Januarii, 1 5 3 4. Trimontio, seu ex Hárombegy Comitatus Borsod exarata
