Circulares litterae dioecesanae anno 1871. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor

XVI.

61

pro nobis, quis contra nos“, illam Pius IX. plena mensura expertus est. Longitudine dierum in Sede Petri super omnes suos praedecessores replevit illum Dominus, restat, atque futurum certo confidimus, ut etiam ostendat illi salutare suum.

Officio meo defuissem, si vestram attentionem ad eventum tam memorabilem tamque singularem in vita et historia Ecclesiae nostrae provocare neglexissem. Nostrum est orare pro Summo Pontifice, cui veram obedientiam vovimus, spopondimus, juravimus, orare inquam, ut Deus vivificet eum, et beatum faciat eum, et non tradat eum in manus inimicorum ejus.

Strigonii, die 25-a Augusti, 1871.

Sanctissimus Dominus Noster suam erga S. Josephum, Immaculatae Deiparae Virginis Sponsum, et Salvatoris nostri Jesu Christi Nutritium, pietatem uberius adhuc contestaturus, ope subnexi Decreti disponere ac statuere dignatus est: 1) ut tam in festo natali S. Josephi, quod die 19-a Martii, quam in Patrocinio ejusdem Sancti, quod Dominica III. post Pascha celebratur, semper, adeoque etiam tunc si hoc posterius festum in aliam ferialem diem transferri debeat, recitetur in Missa „Credo“ sive Symbolum Nicaeno-Constantinopolitanum; 2) ut in Oratione ,,A cunctis“ quandocumque recitanda erit, adjiciatur semper post invocationem Beatae Mariae Virginis, et ante quoslibet alios Sanctos Patronos, exceptis Angelis, et S. Joanne Bapt. commemoratio S. Josephi per verba „cum Beato Joseph.“ Denique 3) ut hoc ipso ordine servato inter suffragia Sanctorum quandocunque illa a rubricis praescribuntur, apponatur commemoratio S. Josephi tam in Vesperis, quam in Laudibus. Antiphonas praescriptas cum versiculis et Oratione distinctis etiam in foliis typis vulgari jussi, ex quibus cuilibet Archi-Dioecesis huius Sacerdoti quatuor exemplaria per DD. VADiaconos pro totidem Breviarii partibus resignanda, isthic j. adjacent, quo ab omnibus et singulis mox atque commode huic dispositioni Summi Pontificis satisfieri queat.

Strigonii, die 25-a Augusti, 1871.

Nr. 3972.

De S. Josepho eiusque Commemoratione novae dispositiones S. Sedis Aplicae.

/

PIUS PP. IX.

AD PERPETUAM REI MEMORIAM.

Inclytum Patriarcham Beatum Iosephum, quem Deus Omnipotens prae omnibus Sanctis suis purissimum verumque sponsum esse voluit in terris immaculatae Virginis Mariae, ac putativum unigeniti Filii sui patrem, quemque ad tam sublimia munera fidelissime implenda gratiis prorsus singularibus auxit et abunde cumulavit, merito Catholica Ecclesia gloria et honore in coelis coronatum amplissimo prosequitur cultu atque intimo veneratur pietatis affectu. Quamobrem Romani Pontifices Praedecessores Nostri, ut augerent in dies, ac ardentius excitarent in Christifidelium cordibus devotionem et reverentiam erga Sanctum Patriarcham, eosque cohortarentur ad Illius apud Deum intercessionem summa cum fiducia implorandam, haud omiserunt quoties opportuna esset occasio novas semper ac maiores publici cultus significationes eidem decernere. Inter eos memoria repetere sufficiat Praedecessores Nostros felicis recordationis Xistum IV. qui