Circulares litterae dioecesanae anno 1871. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
XXIII.
158 et retractationis opprobrium non veremur. Haec est enim illa, ut ita loquar, officina fabrilis, cui nimirum is, qui Fabri dicebatur filius, praesidet; ad cuius regulam omnis merito moneta recuditur; ad cuius rectitudinis lineam, quidquid uspiam depravatum fuerit, reformatur“. Non potuisset clarioribus verbis infallibilitatem magisterii Romani Pontificis clarius praedicare. Idem1) postquam innuisset, quid ab Episcopis suggerendum sit Summo Pontifici de non reordinandis simoniacis Episcopis, dicit: „Immo, qui vice Petri claves tenet Ecclesiae, ipse potissimum adversus novum dogma consurgat, et introductores pravitatis dignae sententiae jaculo confodiat“. S. Anselmus. Testimonium S. Anselmi, AEppi Cantuarensis et Ecclesiae Doctoris f 1109. S. Doctor librum suum de fide Trinitatis et de incarnatione Verbi Urbano II. Summo Pontifici dedicavit, ita disserens: ,,Domino et Patri universae Ecclesiae, in terra pe- regrinantis, Summo Pontifici Urbano, frater Anselmus . . . quoniam divina providentia vestram elegit Sanctitatem, cui vitam et fidem Christianam custodiendam, et Ecclesiam suam regendam committeret; ad nullum alium rectius refertur, si quid contra catholicam fidem oritur in Ecclesia, ut eius auctoritate corrigatur; nec ulli alii tutius, si quid contra errorem respondetur, ostenditur, ut eius prudentia examinetur. Quapropter, sicut nulli dignius possum, ita nulli libentius praesentem epistolam, quam vestrae destino sapientiae; quatenus si quid in ea corrigendum est, vestra censura castigetur, et quod regulam veritatis tenet, vestra auctoritate roboretur“. In epistola ad Humbertum Comitem^) ait: „Qui cum dedignantur Apostoliéi (Papam sic vocat) decretis, quae ad robur Christianae religionis facit, esse obedientes, Petro utique apostolo, cuius vice fungitur, imo Christo------s e probant esse inobedientes. Quaerant igitur, qui Vicarii Petri et in eo Petri et Christi decreta Christiana contemnunt, alias regni coelorum portas; quia certe per illas non introibunt, quarum claves Petrus Apostolus portat“. Papam pro erroris experte credidit S. Anselmus, alioquin non dixisset, nulli se tutius, quam illi disceptationes suas de fide examinandas comittere, tanto minus dixisset, illos, qui Papae decretis, ad religionis robur editis, non obedirent, ipsi Christo non obedire, ac ideo regno coelorum fieri extorres, s. ivo. Testimonium S. Ivonis, E. Carnotensis, quem Baronius lucernam occidentalis orbis, decus et ornamentum ac fulgorem Ecclesiae Gallicanae merito nuncupat, t 1115. Rocherio Senonensi Archi-Episcopo scribit: 3) „Contra Sedem Apostolicam caput erigitis . . . cuius judiciis et constitutinibus obviare, plane est haereticae pravitatis notam incurrere. Sit ergo (utitur verbis S. Gregorii M.) ruinae suae dolore prostatus, quisquis apostolicis voluerit contraire decretis“. Si apostolicae Sedis judiciis et constitutionibus contraire sive non obedire idem est, ac haereticae pravitatis notam incurrere, illa judicia ab errore immunia sint oportet. Idem S. Ivo alio loco 4) asserit, , judicia Romanae Ecclesiae a nemine retractari posse.“ 1) libr. qui apellatur Gratissimus c. 34.- 2) libr. 3. epist. Migne t. 159.— 3) epist. 8. edit. Migne. — 4) epist. 159. eiusd. edit.
