Circulares litterae dioecesanae anno 1869. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. VII.
33 Diem celebramus paschalis gaudii, diem magnam et sanctam, qua beatae aeternitatis aurora generi humano illuxit, qua vitae immortalis coepit exordium, qua salutis nostrae completum est sacramentum. Haec profecto est dies, quam fecit Dominus. Exul- temus et laetemur in ea. 0 Hodie namque, qui traditus fuerat propter delicta nostra, resurrexit propter justificationem nostram. 2) Quo autem gaudium nostrum sit plenum et laetitia sancta: expurgati veteri fermento, 3) quemadmodum Christus resurgens ex mortuis jam non moritur, nec mors illi ultra dominabitur, 4) ita et nos in novitate vitae ambulemus, 5) ad veterem vilitatem degeneri conversatione non redituri. 6) Si quis forte nimium hucusque terrena quaesivit, coelestia neglexit, incipiat jam nolle, quae hactenus voluit: desinat velle, quae nolle hactenus nescivit. Ad aeterna vocatos animos peritura bona non teneant; 7) «urgentem e sepulchro Dominum sequi gestientes, caduca desideria non retardent: viam veritatis ingressos fallaces mundi illecebrae non retrahant: ut cum Christo vere resurrexisse probemur; sicque Pascha Domini in azymis sinceritatis ac veritatis celebrantes, 8) Salvatorem expectemus Christum Jesum, qui reformabit corpus humilitatis nostrae configuratum Corpori claritatis suae. 9) Quod Ipse nobis concedere dignetur, qui nascendo nobis consortium suae naturae, moriendo beneficium gratiae, resurgendo denique complementum gloriae contulit. 10) Strigonii, Dominica Resurrectionis D. N. J. C. die 28. Martii, 1869. Nr. 1362. Paschalia rota Archi-Prae- sulis. Sacerdotii sui jubilaeum die 11 a futuri mensis Aprilis celebraturus Sanctissimus Dominus noster hac ipsa die universis Christifidelibus indulgentias plenarias lucrandi campum aperuit et gratiam fecit vigore subnexi brevis, cujus ad universos Christi fideles directi tenores, ut omnibus ac singulis innotescant, curare ad DD. Parochos, parochiarumque Administratores pertinet, qui proinde illud curae suae credito fideli populo notum reddere, simul vero conditiones, sub quibus indulgentiae conceduntur, ac lucrifieri queant, proponere haud omittant. Nr. 1363 Breve Apo- stolicum, ope cujus a jub. Sacerdote Summo Pontifice plen. indulgentiae conceduntur. „Pius PP. IX. Universis Christi fidelibus pi’aesentes Litteras inspecturis salutem et apostolicam benedictionem. Quod in maximis Nostris acerbissimisque curis vix fore sperabamus, ut tam longum Nobis vitae curriculum conficiendum daret Altissimus, adeo ut exacto quinquagesimo suscepti Presbyteratus anno, sacrum possemus solemniori pompa celebrare, id undecimo die adventantis április, si ita Deo placuerit, eveniet. Haec autem lux, quae Nostrum summa perfundit animum voluptate, novam fidelibus expromendae pietatis, testandaeque erga Nos observantiae suae obtulit occasionem. Scilicet ipsi incredibili studio tam faustum Nobis eventum gratulautes, enixas Nobis preces humiliter adhibuerunt, ut hujus diei laetitiam suo cuin spirituali bono conjungere, coelestesque Ecclesiae thesauros, quorum dispensationem Nobis credidit Deus, in ipsorum favorem reserare idcirco dignaremur. 1 1) Ps. 117. 24. — 2) Rom. 4. 5. — 3) 1. Cor. 5. 7.— 4) Rom. 6. 9. — 5) ibid. v. 4. — 6) S. Leo M. serm. 1. de Natív. Dora. — 7) S. Leo M. serm. de Asc. Dora. 1. — 8) 1. Cor. 5. 8.— 9) Phil. 3. 20. 21.— 10) S. Bonav. Serm. 1. de resurr.
