Circulares litterae dioecesanae anno 1869. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor

Nr. IV.

22

ctionis officio comprobare tenentur. Alioquin debebunt per ferias scholarum aestivales in proxime jacente praeparandia defectum, quo laborant, cognitionum supplere. §. 133.

Ludimagister seu docens non potest aliud officium gerere nisi cantoris seu orga- noedi, potest tamen in repraesentantem populi in Communitate, Comitatu, Comitiis eligi, et expetito praevie consilii scholaris consensu tales functiones suscipere, quae in loco, horis- que ab institutione vacuis perfici queant. §. 141.

VI. De numerq prolium per unum docentem instituendarum, et earum juxta

sexum separatione.

Unus docens in regula plures quam 80 proles instituere non potest, ut in extraordinariis casibus licite possit, facultatem a concernente scholari superiore impetraverit, est necesse. §. 34.

Pueri separati a puellis et vicissim, imo quoad fieri potest, in distinctis cubilibus instituantur. §. 29.

VII. Quot per annum mensibus durat cursus scholaris.

Ruri saltem octo, in civitatibus saltem novem mensium spatio per annum tenentur proles frequentare scholam. §. 11.

Recensitae adusque normae adtinent ad scholas elementares inferiores tam rurales, quam in oppidis, civitatibusque existentes, aut posthac erigendas; scholae enim elementares superiores, prout etiam civiles aliis insuper conditionibus, normisque alligantur, quae e textu legis nullo negotio eruuntur, quaeve in §§. 13, 29, 34, 61,63, 64, 68, 74. continentur.

Qualiter coordinandae sint praeparandiae catholicae §. 13. statuitur.

VIII. Directio ac inspectio scholarum elem. confessionalium.

Jus supremae inspectionis praedictarum scholarum civilis potestas sibi reservavit, vi cujus juris gubernium civile

a) per sua organa periodice visitandas curabit omnes elem. scholas confessionales;

b) districtim intendet, ut normae civilis legis, confessionales scholas concernentes ad amussim observentur;

c) curabit, ut confessionalium scholarum praepositi suis circa peculium scholarum debite administrandum et destinationi suae conformiter impendendum obligationibus respondeant;

d) statisticas relationes de scholis his deposcet. §. 14.

Immediata autem directio ac inspectio scholarum elem. confessionalium competit ipsis Confessionibus sive coetibus religiosis, quibus scholae sunt propriae.

Super modo exercitii hujus juris quoad scholas catholicas statuet autonomicus Catholicorum Senatus. Interim suberunt scholae praememoratae directioni et inspectioni adusque vigenti, nimirum Parochorum, VADiaconorum et superioris Dioecesani Inspectoris, qui vice Ordinariatus munus suum gerit. Quod vero minime impedit, quominus parochiano populo jam nunc ubique major in scholas, remque scholarem influxus concedatur. Meum erit providere, ut hoc influxu fidelis populus non diu careat, circa quem non statuam nisi vestra eatenus mente audita.