Circulares litterae dioecesanae anno 1869. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. III.
11 III. Decretum S. Cong. Indulgentiarum. Ex audientia Sanctissimi. Supplices Preces. Cum multae piae animae sibi proposuerint speciali cultu venerari Sacratissimum Cor Domini nostri Jesu Christi in Eucharistia delitescentis, eique impensiora tribuere obsequia, ibi praesertim ubi non eo quo par est amore ac studio colitur, aut etiam derelinquitur et negligitur, idque perficere consueverint per jaculatoriam precem: „Laudatum, adoratum, amatum cum grati animi affectu sit Eucharisticum Cor Jesu singulis temporis momentis in omnibus orbis tabernaculis usque ad consummationem saeculorum. Amen.“ vehementer optant, orationem istam aliqua Indulgentia ditari a Sanctitate Vestra, qua facilius vulgata et frequentius usurpata a fidelibus, incuria aliorum aliquo modo reparari valeat. Isti autem desiderio cum suffragentur ex animo Franciscus Alexander Boul- let de la Bouillerie Episcopus Carcassionensis, Caspar Mermillod Episcopus Hebronensis Auxiliaris Genevensis et Henricus Amanton Archiepiscopus Theodosipolitanus, Sanctitatem Vestram obsequentes exorant, ut piis hisce votis obsecundare velit. Rescriptum: Postulationi benigne annuentes concedimus Christifidelibus, qui suprascriptam jaculatoriam precem corde saltem contrito et pie recitaverint, Indulgentiam centum dierum semel in die lucrandam; quae per modum etiam suffragii animabus purgatorio carcere detentis applicari possit. Contrariis quibuscunque non obstantibus. Die 29. Februarii, 1868. Pius PP. IX. Hujus Rescripti exemplar authenticum exhibitum fuit in Secretaria S. Congregationis Indulgentiarum, in eadem reservandum, juxta Decretum diei 14. Apr. 1868. Ph. Can. Cossa, Substit. Strigonii, die 26-a Januarii, 1869. Nr. 418. Kecitantes subnexam orationem jaculatoriam indulgentiae participes fiunt. Ssmi Altaris Consociatio, quae Pestini floret, suae in pauperes Ecclesias munificentiae anno etiam proxime praeterlapso praeclara specimina exhibuit, inter 130 Ecclesias distribuendo casulas 111, pluvialia 52, humeralia 174, albas 58, rocheta 64, ministrantium superpellicea 66, corporalia 94, pallas 222, purificatoria 426, manutergia 90, tobaleas cum fimbriis 27, vela 21, stolas 40, palliola ciborii 21, bursas23, pulvillos altaris 48, quadrata 16, ministrantium vestes rubras 60, calices 10, ciboria 6, monstrantias 7, pacificalia 12, thuribula cum naviculis 17, lampades altaris 6, candelabra 16, statuas Resurgentis 7, cruNr. 420. Consociationis Pestinensis Ssmi Altaris beneficentia erga dote carentes Ecclesias.
