Circulares litterae dioecesanae anno 1868. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. XVIII
89 XVIII. Nr. 3456. Die 2-a curr, sive Dominica IX. post Pentecosten, et simul festo S. Alphonsi de Ligorio ad aram principalem Cathedralis Ecclesiae meae s. Presbyteratus Ordine initiati a me sunt: Novi presbyteri Archi- Dioecesis. 1) Eccl. 50. X. 9. — 2) Numer. 16. 9. —3) Joan. 4. 35. — 4); Jerem. 2. 13. — 5) Thren. 4. 4. — 6) Hebr. 7. 26. — 7) Philip. 2. 21. — 8) Act. 28. 31. — 9) ibid. 1. 1. — 10) Joan. 13. 10. — 11) Philip 2. 21. — 12) Esdr. 2 17. Adamovics Emericus. Blaho Paulus. Brücker Augustinus. Brühl Antonius. Dömötör Gedeon. Fehér Franciscus. Hottovinszky Carolus. Ikrényi Michael. Jekkel Josephus. Krizsán Michael. Lipták Josephus. Minczér Alexius. Morvay Leopoldus. Novák Andreas. Petticher Alexander. Pollák Thomas. Rácz Antonius. Koszival Stephanus. Sorecz Josephus. Tasky Joannes. Toller Gabriel. Wanke Josephus. Viszolajszky Carolus. Per intercessionem S. Alphonsi E. C., de quo Ecclesia in Missae Officio praedicat quod fuerit Sacerdos magnus, qui in vita sua suffulsit domum, et in diebus suis corroboravit templum, quasi ignis effulgens et thus ardens in igne, *) concedat misericors Deus, ut praedicti Sacerdotes, quos separavit Deus ab omni populo „ut servirent ei fn cultu Tabernaculi“,2) nunquam non prae oculis habeant, quam ipsos augustos, quam venerandos, quam morum et vitae innocentia et sanctitate conspicuos, et amplissimo sibi collate munere dignos, et susceptae dignitati pares esse oporteat. Indigentiis Archi-Dioecesis numerus hic ordinatorum Presbyterorum minime sufficit. Levate oculos, et videte regiones, quae albae jam sunt ad messem.3) Itaque Vos, qui estis comministri et cooperatores mei, amplissimam hanc Vineam Domini alacriori usque studio, pietate, ac sedulitate una mecum excolatis. Iccirco, quidquid est officii mei, quidquid Vestri, qui Pastores estis in Israel, quidquid denique Gregis est, ne Deum derelinquat, fontem aquae vivae, nec fodiat sibi cisternas dissipatas, quae continere non valent aquas,“4) impleamus. Illud in specie a Vobis absit, quod tantis vicibus inculcavi, ut parvuli petant panem, et non sit, qui frangat eis.5) „Illius enim estis ministri, qui quum esset Sacerdos sanQtus, innocens, impollutus, segregatus a peccatoribus, et excelsior coelis factus,“ e) tamen exinanivit semetipsum, formam servi accipiens,* 7) et venit praedicans verbum Dei,®) coepitque facere et docere.9) Nemo Vestrum iis mercenariis similem se reddat, ad quos non pertinet de ovibus,10) qui nihil quaerunt aliud, nisi quae sua sunt, non quae Jesu Christi.11) Moveant Vos exempla sanctissimorum virorum, quos a bono opere in vinea Domini operando nulli labores, nullae molestiae, nulla incommoda absterruerunt. Moveat Vos vox Dei clamantis: venite, et aedificemus muros Jerusalem.12) Vos denique moveat Vestri ipsius officii, ac dignitatis ratio, ac praestantia. Strigonii, festo Assumptionis B. M. V. 15. Augusti, 1868.
